Issn 2091-5446 ilmiy axborotnoma научный вестник scientific reports

oykonimik indikatorlardir. Masalan, shahar, kent, ovul, qo‘rg‘on: Toshkent, Navkent, Chimkent, 
Uchqo‘rg‘on, Yangiqo‘rg‘on, Xo‘jaqishloq, Yangiqishloq kabi. 
Oykonimik indikatorlar turli apellyativlarga qo‘shilib, ularning toponim, xususan, oykonimlikka 
xoslaydi, aholi manzillarining maxsus atoqli nomi – oykonim sifatida shakllanishiga xizmat qiladi. 
Oykonimik indikatorlar boshqa indikatorlar kabi quyidagi onomastik vazifalarni bajaradi: 
1) oykonim ifodalayotgan obyektning turini ko‘rsatadi, konkretlashtiradi; 
2) qo‘shma, murakkab tarkibli oykonimlarning shakllanishida bir komponent 
sifatida keladi va obyektni nomlashda qatnashadi; 
3) obyektni xarakterlaydi; 
4) obyektni boshqa shunday obyektlardan farqlaydi [6, 24].
Toponimik, xususan, oykonimik indikatorlar doirasidagi logik va lingvistik mushtarakliklar 
hamda farqlar barcha tillar toponimiyasi aynan bir toponimik prinsip va qonuniyatlarga 
asoslanganligini, faqat ularni lingvistik ifodalashda farqlanishini ko‘rsatadi. 
Oykonimik indikatorlar bilan hosil qilingan qo‘shma tarkibli oykonimlarning quyidagi turlari 
kuzatiladi: 
1. Qo‘rg‘on tarkibli qo‘shma toponimlar.  
2. Qishloq tarkibli qo‘shma oykonimlar.  
3. Mahalla tarkibli qo‘shma oykonimlar: Arabmahalla (Chust tumani), Zavodmahalla (Pop 
tumani), Lo‘limahalla (Namangan shahar), Mozormahalla (Chust tumani), Pastmahalla (Chust 
tumani), Tatarmahalla (Yangiqorgo’n tumani), Xo‘jamahalla (Uychi tumani), Qipchoqmahalla 
(Uychi tumani), Qirg‘izmahalla (Uychi, Uchqo‘rgo’n tumani) kabi. Bunday nomlar asosan ot + ot 
modelida bo‘lib, ko‘proq etnonimlarga mahalla indikatorini qo‘shish bilan hosil qilingan.  
4. Kapa tarkibli qo‘shma oykonimlar: Beshkapa (Uychi tumani, Namangan tumani), 
Jiydakapa (Uychi tumani), Norinkapa (Norin tumani) kabi.