|
ILMIY AXBOROTNOMA
PEDAGOGIKA
2017-yil, 4-son
133
• aniq bir holatlarda tasvirlash va namoyish qilinishi murakkab yoki qiyin boʻlgan jarayonlarni
modellashtirish orqali kuzatish imkoniyatini yaratadi;
• oʻquv materiallarining bilib, oʻzlashtirib olinishi nafaqat darajasiga koʻra, balki tinglovchi
erishgan mantiqiy fikrlashi va qabul qilish darajasiga koʻra ham yanada samarali boʻlishini
ta’minlaydi;
• mavjud boʻlgan an’anaviy hamda masofaviy ta’lim oʻquv-uslubiy ta’minotining oʻzaro
samarali integratsiyasini amalga oshiriradi;
• pedagoglarda mustaqil izlanish yoʻli bilan materiallarni izlab topish, oʻrganish hamda
muammoli masalalarni echish orqali ularda ma’lum tadqiqot ishlarini bajarish malaka va
koʻnikmalarini shakllantiradi;
• pedagoglarning malaka oshirish bitiruv ishlarini bajarishda, doktorlik dissertatsiyalarini
tayyorlashda, oʻquv materiallari bilan mustaqil tanishiщ, tanlab olish, axborot hamda ma’lumotlarni
tahlil eta olish kabi malaka va koʻnikmalar shakllanishi uchun sharoit yaratadi.
Pedagoglarni qayta tayyorlash va ularning malakasini oshirish ta’lim jarayonlarini
takomillashtirish omillari sifatida kompyuter bilan muloqotning uslubiy ta’minotini axborot-ta’lim
resurslari orqali amalga oshirish, kompyuter axborot-ta’lim muhiti va zamonaviy talablar darajasidagi
axborot-ta’lim resurslarining ishlab chiqilganligi, gipermatn, multimedia, oʻqitishda axborot-
kommunikatsiya texnologiyalari tizimlarining qabul qilinishini qayd etish mumkin.
Oʻrganishlarga koʻra, elektron axborot-ta’lim resurslari axborotlarni kompyuter texnologiyalari
vositalari asosida yaratish, tizimlashtirish, saqlash, qayta ishlash va ulardan foydalanish imkoniyatini
beruvchi manba sifatida qaralishi mumkin. Bilimlarning elektron manbasi mavzu boʻyicha asosiy va
qoʻshimcha axborotlarni oʻzida mujassamlashtirgan holda, uning elementlari mantiqiy jihatdan oʻzaro
bogʻlangan boʻlib, boshqa elementlarga chiqish imkoniyatini beruvchi tuzilmaga ega
axborotlashtirilgan tizimni tashkil etadi. Bunda bilimlar elektron manbasiga kiritilmagan, ya’ni undan
tashqi elementlarga ham murojaat qilish imkoniyati ta’minlanadi.
Mustaqil ishni tashkil etish uchun yaratilayotgan elektron axborot-ta’lim resurslariga turli ilmiy
ma’lumotlarni, oʻquv materiallarini, axborotlar majmualarini kiritishning keng imkoniyatlari, xususan
integrativ kurslarni kiritish, oʻrganilayotgan modulning tarixi va uslubiyati bilan ta’minlash, ijtimoiy-
gumanitar, kasbiy fanlar boʻyicha innovatsion bilimlarni kiritish mustaqil ta’lim mazmunini sezilarli
darajada oʻzgartirish va boyitishga xizmat qiladi hamda uni rivojlantirishda muhim rol oʻynaydi.
Kompyuter vositalarining mustaqil ishni tashkil etish imkoniyatlari nuqtai nazaridan tahlil
etilganida, uning interfaolligi bevosita muloqot orqali oʻquv rejasida koʻrsatilgan modullar boʻyicha
yaratilgan maxsus dasturiy ta’minot yordamida pedagoglarga mustaqil bilim olish imkoniyatini
yaratishi bilan alohida ahamiyat kasb etadi. Kompyuter vositasida pedagoglar oʻz murojaatlariga javob
oladilar, ular bilan bemalol muloqotga kirishiladi va ular kompyuter ta’limiy usullarining asosiy
xususiyatlaridan biri hisoblanadi.
Pedagoglar kasbiy kompetentligini rivojlantirishning axborot-metodik ta’minotini yaratishning
tashkiliy-metodik tamoyillari sifatida quyidagilarni keltirib oʻtamiz:
-
oʻquv dasturining modulni oʻrganish maqsadini ifoda etishi;
-
elektron oʻquv materiallarining shartli belgilar va atamalarni aniq hamda toʻgʻri ifodalash
talablariga toʻla javob bera olishi;
-
materiallarning tinglovchilar tomonidan avval oʻrgangan muhitning yaratilishini ta’minlay
olishi;
-
gipermatnli texnologiyalardan foydalanish, shuningdek, tinglovchilar elektron oʻquv
materiallarining ilovalaridan foydalanishda toʻgʻri yoʻlni topa olishi;
-
tinglovchilar faoliyatining mustaqil faoliyat, oʻzini-oʻzi nazorat qilish faoliyatiga
almashtirilishi;
-
materiallar mazmunining toʻliqligi bois tinglovchining qoʻshimcha oʻquv manbalariga
murojaat etishining bir qadar kamaytirilishi;
-
materiallar tuzilmasida modul tamoyilidan foydalanish;
-
materiallar tarkibidan nazorat topshiriqlari, glossariy, shaxsiy faoliyatni mustaqil nazorat
qilish uchun taklif etilgan javobli savollar hamda mashq qilishga asoslangan topshiriqlar kabi majburiy
elementlarning mavjudligi.
Do'stlaringiz bilan baham: |
