Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

ILMIY AXBOROTNOMA FALSAFA 2020-yil, 2-son 
49 
- yoshlarning jamiyatdagi ijtimoiy-siyosiy institutlarda, ayniqsa, jamoat tashkilotlari va siyosiy 
partiyalardagi ishtirokini kengaytirish, siyosiy ishtirok orqali yoshlarning jamiyat jarayonlariga ongli 
ravishda ijtimoiylashuvi jarayonini tashkil etish; 
- yoshlarni jamiyatda “demokratiya darsxonalari” hisoblangan o’zini o’zi boshqarish organlaridagi 
ishtiroki orqali jamiyatda jamoatchilik nazoratini tashkillashtirishning samarali mexanizmlarini yaratish, bu 
jarayonda oqsoqollar, keksa avlod tajribalariga suyanish; 
- yoshlarning bevosita demokratiya jarayonlarida ya’ni jamiyat va davlat hayotining muhim 
masalalari hisoblangan saylovlar va referendumlarda faol va ongli ravishda ishtirokini ta’minlashga 
qaratilgan chora-tadbirlar tizimini ishlab chiqish; 
- jamiyatda plyuralizm, fikrlar xilma-xilligi, siyosiy hayotning rang-barangligi, mafkuraviy 
jarayonlarda ilg’or g’oyalarning mavjud bo’lishi kabi jarayonlarni tashkil etish va bu voqyelikda yoshlar 
jamiyat jarayonlarini tashkil etuvchi siyosiy kuch sifatida namoyon bo’lishiga erishish; 
- jamiyatda yoshlarning ijtimoiy va siyosiy tashabbuskorligini oshirish, davlat va jamoat 
tashkilotlarida faol qatnashishi orqali jamiyatda tinchlik va osoyishtalikni ta’minlashda hal qiluvchi kuch 
sifatida ishtirok etish ko’nikmalarini shakllantirish; 
- yoshlar ongida demokratik qadriyatlarni vujudga keltirishda ommaviy axborot vositalari 
imkoniyatlaridan foydalanish, OAVlarini siyosiy targ’ibotning eng samarali va jiddiy mexanizmi sifatida 
yoshlarning ijtimoiy-siyosiy jarayonlarda faol ishtirokini kengaytirishdagi rolini kuchaytirish maqsadga 
muvofiqdir [3]. 
Bugungi kunda O’zbekistonda yoshlarning hayotiy maqsadlarini hayotga tatbiq etishlari uchun 
zarur bo’lgan barcha sharoitlar yaratilib, yoshlar muammolari davlat siyosati darajasiga ko’tarilib, 
yoshlarda fuqarolik mas’uliyatini shakllantirish masalasiga katta e’tibor qaratilmoqda. O’zbekistonda 
yoshlar tarbiyasida ta’lim va tarbiya uyg’unligi masalasiga e’tibor kuchaytirilmoqda. Yoshlarni yuksak 
axloq va intizomli qilib tarbiyalash, ularning sifatli ta’lim olishi va vatanparvarlik ruhida voyaga yetishi 
O’zbekiston taraqqiyotining muhim omili sifatida e’tirof etilmoqda. Yoshlarda fuqarolik mas’uliyatini 
shakllantirish va rivojlantirish O’zbekistonda ijtimoiy barqarorlik, jamiyat taraqqiyoti va qo’lga 
kiritilayotgan muvaffaqiyatlarning muhim asosi bo’lib, milliy g’oya va mafkura asosida muayyan 
maqsadga yo’naltirilgan, jipslashgan yoshlarni tarbiyalash masalasi O’zbekistonda davlat va jamiyat oldida 
turgan eng muhim vazifalardan biridir.
Adabiyotlar 
1. Mirziyoyev Sh.M. Konstitusiya – erkin va farovon hayotimiz, mamlakatimizni yanada taraqqiy 
ettirishning mustahkam poydevoridir //Xalqimizning roziligi bizning faoliyatimizga berilgan eng oliy 
bahodir. 2-jild. Toshkent, O’zbekiston, 2018 yil, 512 bet. 
2. Ergashev I. va boshqalar. O’zbekistonning mustaqil taraqqiyoti va mafkuraviy jarayonlar. Toshkent, 
Ijod dunyosi, 2002 yil, 28 bet. 
3. Saitqosimov A.I. Yoshlarning ijtimoiy-siyosiy faolligini oshirish jamiyat barqarorligining muhim 
mezoni // “Yoshlarga oid davlat siyosatini amalga oshirish strategiyasi: mavjud vaziyat va rivojlantirish 
istiqbollari” mavzusidagi ilmiy-amaliy konferensiyasi maqolalar to’plami. Toshkent, 2019 yil, 192 bet.