|
ILMIY AXBOROTNOMA FALSAFA 2020-yil, 2-son
47
davlat va shaxs, davlat va fuqarolik jamiyati o’rtasida samarali hamkorlikni ta’minlaydigan konstitusiyaviy
asosdir. Biz barchamiz – fuqarolar ham, jamiyat ham, davlat ham Vatanimiz ravnaqi uchun,
mamlakatimizda tinchlik-barqarorlikni mustahkamlash uchun, tarixiy, ma’naviy va madaniy merosimizni
saqlash, boyitish va kelgusi avlodlarga bezavol yetkazish uchun birdek mas’ulmiz. Yurtimizda yashayotgan
turli millat va elat vakillari o’rtasidagi do’stlik va totuvlik muhiti, o’zaro hurmat va hamjihatlikni asrash va
mustahkamlash maqsadida olib borayotgan ishlarimizni yanada kuchaytirishimiz lozim [1].
Hozirgi paytda fuqarolarning huquqiy savodxonligini oshirish, o’rta va mayda tadbirkorlikni har
tomonlama rivojlantirish, yoshlarda jamiyatga nisbatan, mustaqillikka nisbatan mas’uliyat hissini
shakllantirish va mustahkamlash masalasiga katta e’tibor qaratilmoqda. Yoshlarda fuqarolik mas’uliyatini
shakllantirish milliy o’zlikni anglash, tarixiy xotirani tiklash, milliy g’urur va iftixor tuyg’ularini
yuksaltirish asosida mafkuraviy immunitetini mustahkamlash asosida amalga oshiriladi. Yoshlar tomonidan
ilm-fan yutuqlarini chuqur egallash, xorijiy tillarni, kompyuter texnologiyalarini mustahkam o’rganish,
halol mehnat qilib ishbilarmonlik va tadbirkorlik bilan shug’ullanish, O’zbekistonning iqtisodiy, ijtimoiy-
siyosiy, ma’naviy-madaniy taraqqiyotiga o’zining hissasini qo’shish yoshlarning fuqarolik mas’uliyatini
shakllantirish va yuksaltirish jarayonida muhim ahamiyat kasb etadi.
Bugungi kunda O’zbekistonda demokratik huquqiy davlat va fuqarolik jamiyati barpo etish
jarayonida inson huquqlari va ularni ta’minlash masalasiga katta e’tibor qaratilmoqda. Inson shaxsining
kamoloti uchun fuqarolik jamiyati zarur bo’lib, faqat fuqarolik jamiyatidagina shaxs o’zining barcha
qobiliyatlarini to’la namoyon eta oladi. Demokratik an’analarning rivojlanish jarayoni mamlakat iqtisodiy
salohiyati, fuqarolar saviyasining yuqoriligi va ularning siyosiy faolligi bilan chambarchas bog’liq bo’lib,
bugungi kunda O’zbekistonda demokratik huquqiy davlat va fuqarolik jamiyatini barpo etish jarayonida
yoshlarda fuqarolik mas’uliyatini shakllantirish masalasi dolzarb ahamiyat kasb etmoqda. O’zbekiston
Prezidenti Shavkat Mirziyoyev ta’kidlab o’tganidek, - Bugungi kunda mamlakatimizda olib borilayotgan
islohotlar samarasi, avvalambor, yuksak ma’naviyatli, mustaqil fikrlaydigan, Vatanimiz taqdiri va istiqboli
uchun mas’uliyatni o’z zimmasiga olishga qodir yosh kadrlar safini kengaytirishga bevosita bog’liq [1]
Hozirgi paytda fuqarolarning huquqiy savodxonligini oshirish, o’rta va mayda tadbirkorlikni har
tomonlama rivojlantirish yoshlarda, O’zbekiston fuqarolarida jamiyatga nisbatan, mustaqillikka nisbatan
mas’uliyat hissini shakllantirishga va mustahkamlashga xizmat qilmoqda. Mustaqil O’zbekiston yoshlari,
fuqarolarining o’z burch va huquqlarini yaxshi bilishlari jamiyat taraqqiyotining muhim va zaruriy sharti
bo’lib, O’zbekiston Respublikasi fuqarolarining konstitusiyaviy mas’uliyatlarini ikki guruhga bo’lib
o’rganish mumkin.
I. O’zbekiston yoshlari, fuqarolari tomonidan O’zbekiston Respublikasining ijtimoiy va davlat
tizimini mustahkamlashga qaratilgan mas’uliyatlarga O’zbekiston Respublikasining Konstitusiyasiga rioya
qilish, qonunlarni bajarish, mehnat intizomini saqlash, jamoat burchiga vijdon bilan qarash, mulkning
bozor shakllarini mustahkamlash, turmush qoidalarini hurmat qilish, boshqa mamlakat fuqarolarining
milliy qadr-qimmatini, huquqlarini hurmatlash, sha’nini, o’zligini hurmat qilish, ijtimoiy burchini halollik
bilan bajarish, O’zbekiston fuqarosi degan yuksak nomga munosib bo’lish kabi mas’uliyatlar taalluqlidir.
II. O’zbekiston yoshlari, fuqarolari tomonidan O’zbekiston manfaatlarini himoya qilishga
qaratilgan mas’uliyatlarga esa Vatan qudratini oshirish va himoya qilish, Vatanni himoya qilish, umumiy
harbiy xizmatni qonun asosida bajarish kabi mas’uliyatlar kiritiladi.
Mustaqillik sharoitida fuqarolar mas’uliyatining har bir shakli va sohasi yangi ma’no va mazmun
kasb etib, hozirgi sharoitda har bir fuqaroning say-harakati, mehnati, intizomi, mulkka munosabati, tarixiy
ma’naviy merosni asrab-avaylashi, ilm-fan, madaniyat, san’at, sport va boshqa sohalarda O’zbekiston
yutuqlarini jahonda namoyon qilishi va obro’-e’tiborini himoya qilishi kabi mas’uliyatlar dolzarb ahamiyat
kasb etib kelmoqda. 2016 yil 14 sentyabrda O’zbekiston Respublikasining “Yoshlarga oid davlat siyosati
to’g’risida”gi Qonuni qabul qilinib, ushbu qonunda O’zbekiston yoshlarida fuqarolik mas’uliyatini
shakllantirishga yordam beradigan davlat siyosatining asosiy yo’nalishlari belgilandi.
Bugungi kunda O’zbekistonda olib borilayotgan yoshlarga oid davlat siyosatida yoshlarning
huquqlari, erkinliklari va qonuniy manfaatlarini ta’minlash, yoshlarning hayoti va sog’lig’ini saqlash,
yoshlarning ma’naviy, intellektual, jismoniy va axloqiy jihatdan kamol topishiga ko’maklashish, yoshlar
uchun ochiq va sifatli ta’limni ta’minlash, yoshlarni ishga joylashtirish va ularning bandligi uchun shart-
sharoitlar yaratish, yoshlarni vatanparvarlik, fuqarolik tuyg’usi, bag’rikenglik, qonunlarga, milliy va
umuminsoniy qadriyatlarga hurmat ruhida, mafkuraviy immuniteti shakllangan, hayotga qat’iy ishonch va
qarashlari qaror topgan inson qilib tarbiyalash masalasiga katta e’tibor qaratilmoqda. Yoshlarda fuqarolik
mas’uliyatini shakllantirishda yoshlarning huquqiy ongi va huquqiy madaniyati darajasini yuksaltirish
masalasi ham muhim o’rin tutadi. Iqtidorli va iste’dodli yoshlarni qo’llab-quvvatlash hamda
rag’batlantirish, yoshlar tadbirkorligini rivojlantirish uchun shart-sharoitlar yaratish, yoshlarda sog’lom
Do'stlaringiz bilan baham: |
