Issn 2091-5446 ilmiy axborotnoma научный вестник scientific journal 2020-yil, 2-son (120) gumanitar fanlar seriyasi

 
Creation of civil responsibility for youth the basis of processive and well-being life in Uzbekistan 
Abstract. 
The article provides a socio-philosophical analysis of the need to create civic 
responsibility among youth in the process of building a democratic state of law and civil society in 
Uzbekistan. It also considers factors affecting the formation of civic responsibility among young people. 
Keywords:
democratic rule of law, civil society, civil responsibility, increasing legal knowledge 
among citizens, the full development of medium and small business, the formation and strengthening of 
responsibility among young people, national self-awareness, the awakening of historical memory, raising 
feelings of national pride and dignity, strengthening ideological immunity. 
Bugungi kunda O’zbekistonda erkin fuqarolik jamiyatiga asoslangan huquqiy demokratik davlat 
qurish asosiy maqsad sifatida belgilangan bo’lib, ushbu jarayonda fuqarolik mas’uliyatini shakllantirish va 
yuksaltirish muhim ahamiyatga ega bo’lmoqda. Fuqarolik mas’uliyati jamiyatning demokratik rivojlanishi 
jarayonida qo’lga kiritilgan yutuqlar va muvaffaqiyatlarga fuqarolarning ongli munosabati, yutuqlarni 
yanada ko’paytirish va ulardan foydalanishda faol qatnashish jarayonini o’zida ifodalaydi. Fuqarolik 
mas’uliyati – jamiyatdagi demokratik o’zgarishlarning davomi va uzviy qismi bo’lib, jamiyat o’z 
demokratik rivojlanishida fuqarolarga faqatgina tenglik, ozodlik, birodarlik kabi umuminsoniy huquqlarni 
berish bilan cheklanmaydi, balki shu huquqlarga rioya qilishni, o’z huquqlaridan ijodiy, jamiyat 
manfaatlarini ko’zlab foydalanishni talab qiladi. Jamiyat hayotida demokratiya qanchalik taraqqiy etib, 
yuksalib borsa, undagi fuqarolarning mas’uliyati ham shu darajada yuksalib, oshib boradi. O’zbekistonda 
demokratik huquqiy davlat va fuqarolik jamiyati barpo etish jarayonida fuqaro mavjud huquqlarga 
tayangan holatda jamiyatning muammolarini hal etishda faol qatnashish imkoniyatiga ega bo’ladi. 
Bugungi kunda O’zbekiston rivojlangan davlatlarning ilm-fan, madaniyat, davlatchilik, huquq, siyosat, 
diplomatiya va iqtisodiyotni rivojlantirish sohasidagi yutuqlaridan ijodiy tarzda foydalangan holda o’z 
fuqarolarida fuqarolik mas’uliyatini shakllantirish masalasiga katta e’tibor qaratib kelmoqda. 
O’zbekistonda yosh avlodning fuqarolik mas’uliyatini shakllantirish masalasi bugungi kundagi dolzarb 
masaladir. 
Bizning yana bir muhim vazifamiz – fuqarolar, davlat va jamiyat o’rtasida o’zaro mas’uliyat, 
huquq va burch bog’liq ekaniga oid prinsipni izchil amalga oshirishdan iborat, - deydi O’zbekiston 
Prezidenti Shavkat Mirziyoyev, - Bu prinsip mamlakatimiz oldida turgan muhim vazifalarni hal qilishda 

---