Қишлоқ қурилиш банк

Назоратчи бухгалтер чиқим касса ҳужжатини қабул қилиб олгач, нима ишларни амалга оширади?
Жавоб:
- чиқим касса ҳужжатининг тўғри расмийлаштирилганлигини текширади;
- ҳужжатнинг тегишли реквизитларини чиқим кассаси журналида қайд этади;
- чиқим касса ҳужжати ва чиқим касса журналини имзолайди;
- банкнинг чиқим кассирига тақдим этиш учун хўжалик юритувчи субъект вакилига нақд пул чекининг назорат маркаси (банк ходими банк кассасидан нақд пул олаётганида унга чиқим касса ордерининг йиртма талони)ни беради;
- чиқим касса ҳужжатларини чиқим касса журналига имзо қўйдириб, чиқим кассаси кассирига топширади.

	Чиқим касса ҳужжатларини чиқим кассирига ким томонидан етказиб берилади? Жавоб: назоратчи бухгалтер томонидан етказиб берилади. Банк кассасидан нақд пул олаётган шахс томонидан чиқим касса ҳужжатларини кассирга тақдим этилиши тақиқланади.
	Банк кассаларидан нақд миллий ёки хорижий валюталарни хўжалик субъектларига чиқим қилиниши қайси ҳолларда тақиқланади? Жавоб: банкда ўзининг талаб қилиб олингунча депозит ҳисобварағини очмаган ёки ҳисобварағида етарлича маблағлари бўлмаган ҳар қандай мулкчилик шаклидаги хўжалик субъектларига банк кассаларидан нақд миллий ёки хорижий валюталарни чиқим қилиниши тақиқланади.
	Банк кассасига қабул қилинаётган пуллар кассирлар томонидан санаб-сараланишида неча тоифага ажратилган ҳолда ўраб боғланади? Жавоб: Кассирлар банк кассасига қабул қилинаётган банкнот ва тангаларни, уларнинг номинал қийматига қараб саралашлари, шундан сўнг пулларни, «муомалага яроқли»,»эскирган» ва «тўловга яроқсиз» тоифаларига ажратадилар.