Қишлоқ қурилиш банк

Шубҳали пул экспертизага қабул қилинганида қайси ҳисобварақда ва қандай қийматда акс эттирилади?
Жавоб: шубҳали пул экспертизага қабул қилинганида, номинал қиймати бўйича 90141 — «Экспертизага қабул қилинган банкнот ва тангалар» ҳисобварағига кирим қилинади.

	Қалбаки ёки тўловга яроқсиз пуллар қайси ҳисобварақда ва қандай қийматда акс эттирилади? Жавоб: қалбаки ёки тўловга яроқсиз пулнинг ҳар бир донасини 1 сўм шартли баҳода 90145 — «Тўловга яроқсиз банкнот ва тангалар» ҳисобварағига кирим қилинади.
	Кирим кассири томонидан кун якунида қайси шаклдаги маълумотнома тузилади? Жавоб: 109-шакл маълумотнома.
	Чиқим кассири томонидан кун якунида қайси шаклдаги маълумотнома тузилади? Жавоб: 110-шакл маълумотнома.
	Касса мудири томонидан кун якунида қайси шаклдаги маълумотнома тузилади? Жавоб: 111-шакл маълумотнома.
	Бухгалтерия ходими чиқим касса ҳужжатини имзолашдан олдин нималарни текшириши зарур? Жавоб: бухгалтерия ходими чиқим касса ҳужжатини мижоз томонидан тўғри тўлдирилганлигини ва мижознинг банкдаги ҳисобварағида етарли миқдорда маблағлар борлигини текширгач, уни имзолайди.
	Бухгалтерия ходими чиқим касса ҳужжатини имзолагандан сўнг уларни кимга беради? Жавоб: Бухгалтерия ходими текширилган чиқим касса ҳужжатини имзолагандан сўнг уларни назоратчи бухгалтерга беради.