Қишлоқ қурилиш банк

АТБ “Қишлоқ қурилиш банк” касбга мувофиқлигини аниқлаш комиссияси суҳбатига тавсия этилаётган номзодларга бериладиган саволлар ва жавоблар

	Ижро аппарати
	Норматив-ҳуқуқий ҳужжат тушунчасига тариф беринг. Жавоб: Норматив-ҳуқуқий ҳужжат ушбу Қонунга мувофиқ қабул қилинган, умум мажбурий давлат кўрсатмалари сифатида ҳуқуқий нормаларни белгилашга, ўзгартиришга ёки бекор қилишга қаратилган расмий ҳужжатдир.
	Норматив-ҳуқуқий ҳужжатларнинг турларини айтиб беринг. Жавоб: Норматив-ҳуқуқий ҳужжатларнинг турлари қуйидагилардир: - Ўзбекистон Республикасининг Конституцияси; - Ўзбекистон Республикасининг қонунлари; - Ўзбекистон Республикаси Олий Мажлиси палаталарининг қарорлари; - Ўзбекистон Республикаси Президентининг фармонлари, қарорлари ва фармойишлари; - Ўзбекистон Республикаси Вазирлар Маҳкамасининг қарорлари; вазирликлар, давлат қўмиталари ва идораларнинг буйруқлари ҳамда қарорлари; - маҳаллий давлат ҳокимияти органларининг қарорлари.
	Қайси органлар норматив-ҳуқуқий ҳужжатларни қабул қилиш ҳуқуқига эга? Жавоб: Ўзбекистон Республикаси Олий Мажлисининг палаталари, Ўзбекистон Республикасининг Президенти, Ўзбекистон Республикаси Вазирлар Маҳкамаси, вазирликлар, давлат қўмиталари ва идоралар, маҳаллий давлат ҳокимияти органлари норматив-ҳуқуқий ҳужжатлар қабул қилиш ҳуқуқига эга бўлган органлар ёки мансабдор шахслар ҳисобланади.