Қишлоқ қурилиш банк

Намунавий лойиҳалар асосида уй-жой олувчи фуқароларни ким томонидан танлаб олинади?
Жавоб: Ўзбекистон Республикаси Вазирлар Маҳкамасининг 2018 йил 9 февралдаги № 103 сонли қарори билан тасдиқланган Низомга мувофиқ, туман ҳокимлигида ташкил этилган комиссия томонидан танлаб олинади ва тегишли тавсиянома берилади.

	Янги тартиб доирасида ва бирламчи бозорда квартира харид қилиш учун ажратилган ипотека кредитлари бўйича фоиз тўловларига Ўзбекистон Республикаси Марказий банкининг қайта молиялаштириш ставкаси пасайтирилган тақдирда қандай таъсир ўтказади? Жавоб: Ўзбекистон Республикаси Марказий банкининг қайта молиялаштириш ставкаси пасайтирилганда фоиз ставка мутаносиб равишда камаяди, оширилган тақдирда эса ўзгаришсиз қолади.
	Янги тартиб доирасида ва бирламчи бозорда квартира харид қилиш учун бошланғич бадал маблағини шакллантириш учун субсидия тўловлари қандай тартибда ажратилади? Жавоб: Давллат бюджет маблағлари ҳисобидан дастлабки бадалнинг бир қисмини қоплаш учун субсидия тўловлари уй-жой ҳисобланган қийматининг 10 фоизи миқдорида ажратилади.
	"Имтиёзли давр" тушунчасига таъриф беринг? Жавоб: Имтиёзли давр - кредит бўйича асосий қарзни қайтариш муддати кечиктирилган давр
	Намунавий лойиҳалар асосида қурилган уй-жойлар учун ажратилган имтиёзли ипотека кредитлари бўйича қандай тартибда фоиз тўловлари ҳисоблаб борилади? Жавоб: Биринчи 5 йил давомида ҳар йили фоиз ставкасини қатъий белгиланган 7 фоиздан Ўзбекистон Республикаси Марказий банкининг қайта молиялаштириш ставкаси даражасигача бир меъёрда ошиб борадиган ставкада ва кейинги даврда Ўзбекистон Республикаси Марказий банкининг қайта молиялаштириш ставкасида ажратилади.
	Янги тартиб доирасида ва бирламчи уй-жой бозорида квартира харид қилиш учун ипотека кредитлари ажратилишида потенциал қарз олувчининг қарз юки кўрсаткичи неча фоиздан ошиб кетмаслиги керак? Жавоб: Қарз юки кўрсаткичи 70-фоиздан ошмаслиги лозим.