“ishlab chiqarishda buxgalteriya hisobi” kafedrasi

Ma’naviy boylik – ashyoviy-buyum ko‘rinishiga ega bo‘lmagan nomoddiy qimmatliklaridan va insoniyatning intellektual salohiyati natijalaridan iborat.


Takrorlash uchun savollar va topshiriqlar
1. Iqtisodiy taraqqiyot, iqtisodiy rivojlanish va iqtisodiy o‘sish tushunchalarining ta’rifini bering hamda ularning umumiy tomonlari, farqlarini ko‘rsating.
2. Iqtisodiy o‘sishning ekstensiv va intensiv turlari qanday aniqlanadi? Nima uchun real hayotda sof ekstensiv yoki sof intensiv iqtisodiy o‘sish turlari uchramaydi?
3. Mamlakatning iqtisodiy salohiyatiga, aholisining turmush darajasiga va ishlab chiqarishning samaradorligiga baho berishda iqtisodiy o‘sishning qanday ko‘rsatkichlaridan foydalaniladi?
4. Iqtisodiy o‘sishga ta’sir qiluvchi taklif, taqsimlash va talab omillarini tushuntiring hamda ularning ahamiyatini baholang.
5. Milliy boylik tushunchasining ta’rifini bering va tarkibiy tuzilishini ko‘rsating.
6. Milliy boylik tarkibida moddiy – buyumlashgan boylik qandan o‘ringa ega va u qanday tarkibiy qismlarni o‘z ichiga oladi?
7. Nima uchun, yer suv kabi tabiiy boyliklarni qiymat o‘lchovida baholab, milliy boylik tarkibiga kiritsh qiyin?
8. Madaniy, tarixiy obidalar va arxitektura yodgorliklarning milliy boylik tarkibida aks etishini qanday izohlaymiz? Ularning har biriga misol keltiring.


18-Mavzu: Milliy iqtisodiyotning nisbatlari va muvozanati


Reja:

18.1. Iqtisodiy muvozanatlik uni ta’minlash shart-sharoitlari va aniqlash usullari.

18.2. Iqtisodiy mutanosiblik va uning turlari.
18.3. ¡zbekistonda ishlab chiqarishning tarkibiy tuzilishini o‘zgarishidagi muomalalar va ularning hal etilishi.

Iqtisodiyot barqaror rivojlanishi uchun uning tomonlari o‘rtasida ma’lum muvozanat bo‘lishini taqozo qiladi.

Iqtisodiy muvozanat deb iqtisodiy jarayonlar, hodisalarning ikki yoki bir necha tomonining bir-biriga teng kelgan holatiga aylanadi. Shuning uchun ham butun iqtisodiyotning muvozanati to‘g‘risidagi gap borganda eng avvalo, yalpi talab va yalpi taklif o‘rtasidagi tenglik e’tiborga olinadi.
Makroiqtisodiyotda iqtisodiy muvozanatlikning shakllanish jarayoni hamda uni ta’minlash ancha murakkab va ziddiyatli. Chunki u o‘z ichiga xususiy va umumiy tavsifdagi bir qator muvozanatlar tizimini oladi.