Ишдан чиққан покришкаларни қайта ишлаш линиясини лойиҳалаштириш

Кириш
Саноатнинг турли ишлаб чиқариш корхоналари, жумладан автотранспорт корхоналари фаолиятлари натижасида ҳосил бўлаётган чиқиндиларни бошқариш мобайнида атроф муҳитни муҳофаза қилиш «Чиқиндиларни бошқариш» махсус фан вазифасига киради. Бу соҳадаги билимларни ўзлаштириш «Экология ва атроф муҳит муҳофазаси» йўналишида таълим олаётган талабалар учун зарурдир.
Бажарилаётган курс лойиҳасининг мақсади талабаларнинг «Чиқиндиларни бошқариш » махсус фани бўйича олган атроф муҳитни муҳофаза қилишдаги барча муҳандислик усуллари ва тадбирлари ҳақидаги назарий билимларни мустаҳкамлашдан иборатдир. Курс лойиҳасини бажаришда, талаба ишдан чиққан покришкаларни қайта ишлаш технологик кетма-кетлик чизмасини, технологик жараёнини ҳисоб-китоб қилиш, айрим технологик қисмларини эътиборга олган алоҳида ўрганиши ва мустақил билим ва кўникмаларга эга бўлиши кўзда тутилади.
Курс лойиҳасини бажаришда талаба мустақил ишлаш, адабиёт маълумотларидан ҳамда меъёрий ҳужжатлардан тўғри фойдаланишни ўрганади.

Ишдан чиққан покришкаларни қайта ишлаш линиясини лойиҳалаштириш
Умумий маълумот
Барча дунё мамлакатларида автомобиллар сонининг ва улардан фойдаланишнинг динамик равишда ортиши, ишдан чиққан автопокришкаларни кўпайишига олиб келмоқда, катта шахарларда йил давомида бир неча минг тонналаб ишдан чиққан покришкалар пайдо бўлмоқда. Бу ўз навбатида барча ривожланган давлатларни экологик ҳамда иқтисодий муаммога олиб келмоқда. Табиий нефть хом-ашёсини камайиб бориши иккиламчи ресурслардан максимал фойдаланишни тақоза этмоқда.
Ишлатилган покришкалар таркибида кўп миқдорда қимматбаҳо хом-ашёлар мавжуд.
М асалан: - резина, металл ва суньий тола.
Покришканинг конструкцион тузилиши 1-расмда келтирилган.

1. 
   Покришканинг асосий қисми корпус (1), у бир неча резиналанган қатламлардан иборат бўлиб, уни эластиклигини ҳамда мустаҳкамлигини таъминлайди. Корпус ғилдиракни механик ишқаланишдан ва намликдан протектор(2) орқали таъминлаб беради.
   

Корпус қатламлари борт халқаларига (4) киритилган бўлиб унинг таркиби симдан ташкил топган.
Болт ҳалқалари ёрдамида покришкани ғилдиракка маҳкам киритилади, айни пайтда шиналарни қайта ишлаш усулларини 2 турга бўлиш мумкин:

1. 
   Физикавий усул;
   
2. 
   Кимёвий усул.