Ыщчыорова Фарангиз

Kurs ishning ilmiy farazi. Bizning taxminimizcha, oilaviy nizolarning sababi yoshlar psixologiyasida oila haqidagi tasavvurlarning adekvat shakllanmaganligida, shuning uchun talaba yoshlarning oilaviy hayot haqidagi ijtimoiy-psixologik tasavvurlari ajrimlarning oldini olishni ta’minlaydi.
Kurs ishning metodlari.
1. YOshlarning oilaviy hayot haqidagi tasavvurlarini o‘rganish maqsadida kuzatish va suhbatlar o‘tkazish.
2. YOshlarning oilaviy hayot haqidagi fikrlarini o‘rganish uchun anketa so‘rovidan foydalanish.
3. YOshlarning oilaviy hayotini o‘rganish uchun «Oilangizda nizolar mavjudmi?» testini o‘tkazish.
4.YOshlarni oilaviy hayotga tayyorlash maqsadida ijtimoiy treninglarni tatbiq etish.
5.Olingan natijalarni matematik, statistik qayta ishlash.
Kurs ishning ob’ekti. YOshlarning oilaviy hayotga munosabatlarini o‘rganish maqsadida talaba yoshlardan 47 nafar yigit-qizlar tanlandi.
Kurs ishning predmeti bo‘lib, yoshlarning oilaviy hayot haqidagi tasavvurlari, ularni shakllantiruvchi ijtimoiy-psixologik omillar hamda ijtimoiy treninglarda namoyon bo‘ladigan shaxs sifatlarini tarkib toptirish jarayoni hisoblanadi.
Ma’lumki, ijtimoiy xulqning maqsadga muvofiq barqaror malakalarini shakllantirish uchun ko‘p marta takrorlanishga asoslanuvchi qaytariladigan mashqlardan tashqari, shaxs tomonidan ularni anglash va ruhan ichdan qabul qilish ham katta ahamiyatga ega.
YOshlar ruhiyatida emotsionallik va hissiyotning ustunligini e’tiborga olsak, aynan trening mashqlari ularning oilaviy munosabatlar bo‘yicha tasavvurlari doirasini kengaytirish, ularda mustahkam, maqsadga muvofiq malakalarni hamda xulq shakllarini ijtimoiy ustanovkalar sifatida hosil qilish vazifasini bajaradi.
Kurs ishning nazariy ahamiyati. Tadqiqotning nazariy ahamiyati uning ilmiy yangiligi va tadqiqot metodlarining yangiligi, ishonchliligi darajasidan kelib chiqadi. YOshlarning oilaviy munosabatlar haqidagi tasavvurlari tizimini tadqiq etish ijtimoiy psixologiya, konsultativ psixologiya hamda oilaviy munosabatlar psixologiyasi sohalarini ilmiy xulosalar bilan boyitadi, sohalararo va predmetlararo ilmiy tadqiqotlarning samaradorligini oshirishga xizmat qiladi.
Olingan empirik natijalar, ilmiy xulosalar oila psixologiyasini qo‘shimcha bilimlar bilan boyitadi.