Ish. Quvvat. Ish va quvvat birligi

ISH. QUVVAT. ISH VA
QUVVAT BIRLIGI.
ENERGIYA.
 
 
10.1. Ish. Kuchlar. Kuch ta’sirida o’zgarish.
10.2. Mexanik ish.
10.3. Ish birligi.
10.4. Quvvat.
10.5. Quvvat birligi.
10.6. Energiya haqida tushuncha.
10.7. Kinetik energiya.
10.8. Potentsial energiya va kuch.
10.9. Moddiy nuqtaning potentsial kuchlar
maydonida to’la energiyasining saqlanish qonuni.
REJA:
10.1. Ish. Kuchlar. Kuchlar ta’sirda o’zgarish.
Jismlar orasidagi o’zaro ta’sir tabiatiga qarab, kuchlarni elastik, tortishish, ishqalanish, elektir va maginit, Yadro va boshqa kuchlarga bo’lish mumkin. Jismning yoki uning qismlari orasidagi vaziyatgagina bog’liq bo’lgan kuchlar mavjud. Ularning jism ustida bajarilayotgan ishi yo’l shakliga bog’liq bo’lmay, faqat jismning fazodagi boshlang’ich va so’nggi holatlarigagina bog’liq bo’lishi mumkin. Bu holda kuchlar maydoni potentsial maydon deyiladi. Kuchlarning o’zlari esa potentsial yoki konservativ kuchlar deyiladi.
Konservativ kuchlarga gravitatsion maydondagi tortishish kuchlari, kuchlar markaziy maydondagi (og’irlik maydondagi) kuchlarni misol qilib olish mumkin.
Bajargan ishi jism bir holatdan ikkinchi holatga qanday yo’l bilan o’tganligiga bog’liq bo’lgan kuchlar nokonservativ kuchlar deyiladi. Qattiq jismlar orasida hosil bo’luvchi ishqalish kuchlari, gaz va suyuqlik harakatida namoyon bo’luvchi yopishqoqlik kuchlari yoki barcha qarshilik (dissipativ) kuchlari, giroskopik, Lorents kuchi nokanservativ kuchlardir.
Kuch ta’sirida.
a) jism o’z vaziyatini o’zgartirib, bir joydan ikkinchi joyga siljishi,
b) jism qismlari bir- biriga nsbatan sljishi yoki deformatsiyalanishi,
v) aqliy ish jarayonida esa, biotok harakati, nerv sistemalarining taranglanishi (deformatsiyasi), Yurakning qonni ko’proq miyaga Yuborishi va boshqa harakatlar sodir bo’ladi.
Klassik mexanika ko’z bilan kuzatiladigan jismlarning nisbiy siljishini, kvant mexanikasida oddiy holda vositasiz ko’zga ko’rin-maydigan jismlar harakatini, katta tezliklarda sodir bo’luvchi hara-katlarni, biofizikada esa biologik ob’ektlarda kuch ta’sirda o’zgarishlarni o’rganadilar.
Jismlarning o’zaro ta’sirlashishi natijasida mexanik harakat bir jismdan ikkinchi jismga uzatilishi yoki boshqa turdagi harakatlarga o’tishi mumkin. Jismning ta’sirlashishgacha va ta’sirlashishdan so’ng holatlarini miqdoriy o’lchovini hisoblab undagi harakat o’zgarishini topish mumkin.
Materiya harakati barcha turlarining universial o’lchovi sifatida energiya kattaligi olingan. Jarayon davomida harakatning miqdoriy o’zgarishini topish uchun u jismning dastlabki va ohirgi holatlarining energiya farqlarini aniqlash zarur.
Energiyaning bu farqi ish deb ataladigan fizik kattalik bilan o’lchanadi.