Iqtisodiyoti

Qisqacha xulosalar 
Mamlakatimizning iqlim sharoitida qishloq xo‘jaligi ishlab 
chiqarishida suv resursining ham ahamiyati katta. So‘nggi yillarda suv 
resurslaridan samarali foydalanish, suv resurslarini boshqarish tizimini 
takomillashtirish, suv xo‘jaligi obyektlarini modernizatsiya qilish va 
rivojlantirish bo‘yicha izchil islohotlar amalga oshirilmoqda. Shu bilan 
birga, global iqlim o‘zgarishi, aholi sonining va iqtisodiyot 
tarmoqlarining o‘sishi, ularning suvga bo‘lgan talabi yil sayin oshib 
borishi tufayli suv resurslarining taqchilligi yildan-yilga kuchayib 
bormoqda. 
Kelajakda suv resurslaridan foydalanish darajasini hamda iqtisodiy 
samaradorligini oshirish uchun sug‘orish tizimini yaxshilashga 
qaratilgan barcha tadbirlar o‘z vaqtida, sifatli bajarilishini ta’minlash, 
suv xo‘jaligida bozor iqtisodiyoti tamoyillarini joriy etish, suv xo‘jaligi 

---

142 
obyektlarini o‘z vaqtida sifatli ta’mirlash, raqamli texnologiyalarni joriy 
qilish hamda samarali boshqarishga yo‘naltirish kabi chora-tadbirlarni 
amalga oshirish zarur. 
 
 
Nazorat va muhokama uchun savollar: 
1. Suv resurslarining qishloq xo‘jaligidagi ahamiyati nimadan iborat?
2. Suv resurslaridan foydalanish holati hamda samaradorligiga baho 
berishda qanday ko‘rsatkichlardan foydalaniladi? 
3. Mamlakatimizda suv xo‘jaligini boshqarish tizimi qanday tashkil 
etilgan? 
4. Suv resurslari bo‘yicha mamlakatimizda qanday me’yoriy hujjatlar 
qabul qilingan? 
5. Suv resurslaridan foydalanish samaradorligini oshirishning qanday 
yo‘llari bor? 
BOB YUZASIDAN AMALIY TOPSHIRIQLAR:
1-topshiriq: 
SWOT tahlil 
usuli yordamida mamlakatimizda suv resurslaridan 
samarali foydalanish imkoniyatlarini tahlil qilish. Bunda doskaga SWOT 
tahlil jadvali chiziladi va har bir talaba alohida ushbu tahlilni amalga 
oshiradi.