Iqtisodiyot asoslari

Real YaMM - YaMMning inflyasiya sur’atlarini hisobga olgan holda hisoblangan puldagi qiymati.
Reval’vasiya - mamlakat milliy pul birligining kursini boshqa mamlakatlar milliy valyutalari kursiga nisbatan rasman ko’tarish.
Reklama - ma’lum bir mahsulot yoki xizmatni sotishni rag’batlantirish maqsadida korxonalar tomonidan mutaqil yoki reklama xizmatlarini taklif etuvchi korxonalar tomonidan amalga oshiriluvchi tijorat - targ’ibot faoliyati.
Restitusiya - Harbiy harakatlar natijasida bosib olingan va tashib chiqib ketilgan mulklarni qaytarib berish.
Real foiz stavkasi - inflyasiya sur’atlariga qarab to’g’rilangan joriy (nominal) foiz stavkasi.
S
Savdo foydasi - tovarlarni iste’molchiga etkazishda sotib olish narxi bilan sotish narxi o’rtasidagi farq sifatida olinadigan foyda. Savdo foydasi ishlab chiqarish foydasining bir qismini tashkil etadi.
Sanasiya - raqobatbardoshlikni oshirish, bankrotlik xavfini bartaraf etish maqsadida korxona moliyaviy holatini Yaxshilash bo’yicha amalga oshiriluvchi chora - tadbirlar.
Sen’oraj - pulni muomalaga kiritish jarayonida, pulning nominal qiymati va uni bosib chiqarish xarajatlari o’rtasidagi farq sifatida davlat tomonidan olinuvchi daromad.
Stagnasiya - u yoki bu tarmoqda ishlab chiqarish sur’atlarining pasayishi.
Stagflyasiya - bir paytning o’zida yuqori inflyasiya sur’atlari bilan ishsizlik darajasi o’sishining kuzatilishi.
Subvensiya - moliyaviy jihatdan nochor korxonalarga ko’rsatiluvchi moliyaviy yordam shakli.
Sug’urta polisi - sug’urta shartnomasi va uning shartlarini tasdiqlovchi sug’urtachi tomonidan sug’urtalanuvchiga beriluvchi hujjat.
Sug’urta tavakkalchiligi - zarar yoki yo’qotishlar xavfining vujudga kelishi.
Sug’urta holati - yuz berishi bilan sug’urtachi sug’urtalanuvchiga sug’urta summasi yoki sug’urta tovonini to’lashi lozim bo’lgan hodisa.
Soliq deklarasiyasi - soliq to’lovchining muayyan davr mobaynida topgan daromadlari miqdori va manbalarini ko’rsatuvchi hujjat. Rivojlangan iqtisodiy munosabatlar sharoitida soliq deklarasiyasi soliq tizimining muhim tashkil etuvchisiga aylanib boradi.
T