Iqtisodiyot asoslari

Ko’p ukladli iqtisodiyot - mulkchilikning xilma - xil shakllari asosida rivojlanuvchi milliy iqtisodiyot.
L
Likvidlik - aktivlarning tezda ortiqcha chiqimlarsiz pul mablag’lariga aylana olish qobiliyati.
Lizing - asosiy fondlarni uzoq muddatli ijaraga berish. Lizing kompaniyalari asbob - uskuna va mashinalarni ularni keyinchalik ijaraga berish maqsadida sotib oladilar.
Lisenziya - ma’lum bir iqtisodiy faoliyat bilan shug’ullanish uchun davlat yoki uning vakolatli muassasalari tomonidan beriluvchi ruxsatnoma.
Laffer egri chizig’i- soliqlar stavkasining o’sib borishi bilan byudjet daromadlari ko’payish tomonga emas, aksincha ish faolligining pasayishi hisobiga qisqarish tomonga harakatlanishini ko’rsatib beruvchi qonuniyat.
Logistika- tovar- moddiy qimmatlilarni sotish, saqlash, tashish va ishlab chiqarishning kompleks tizimi.
M
Makroiqtisodiy siyosat - milliy iqtisodiyot miqyosidagi mavjud muammolarni hal etishga yo’naltirilgan davlatning iqtisodiy siyosati.
Marjinalizm - iqtisodiy jarayonlarni tahlil qilishda chegaraviy miqdorlardan foydalanishga asoslangan iqtisodiy yo’nalish.
Model - iqtisodiy jarayon va hodisalarning soddalashtirilgan ko’rinishda matematik apparat yordamida aks ettirilishi.
Makroiqtisodiyot - milliy iqtisodiyotni yaxlit iqtisodiy tizim sifatida tahlil etuvchi iqtisodiyot nazariyasining bir bo’limi.
Mikroiqtisodiyot - bozor jarayonlari tahlil etiluvchi iqtisodiyot fanining bir bo’limi.
Marketing - korxona tomonidan sotish hajmlarini oshirish va yangi sotish bozorlarini izlab topish maqsadida amalga oshiriluvchi bozorni o’rganishga qaratilgan faoliyat.
Menedjment - ishlab chiqarishni tashkil etish va zamonaviy boshqaruv usullari haqidagi iqtisodiyot fanining bir bo’limi.
Mehnat bozori - ishchi kuchi oldi- sotdisi yuzasidan ish beruvchi va ishchi kuchini taklif etuvchilar o’rtasida vujudga keluvchi iqtisodiy munosabatlar.