Iqtisodiyot asoslari

Umumiy xarajatlar - korxona tomonidan ma’lum bir tovar yoki xizmatlarni yaratish uchun sarflangan jami moddiy sarflarning pul qiymati.
Ustav fondi (nizom jamg’armasi) - korxonaning boshlang’ich faoliyatini ta’minlash uchun zarur bo’lgan pul mablag’lari fondi.

F

Firma - bozor iqtisodiyotining asosiy iqtisodiy agenti hisoblanuvchi, tadbirkorlik faoliyatini amalga oshiruvchi mustaqil huquqiy shaxs.
Fiskal siyosat - iqtisodiyotga ta’sir etish maqsadida davlat xarajatlari tuzilmasini o’zgartirish va soliqqa tortish sohasidagi davlat siyosati.
Friksion ishsizlik - mehnat bozoridagi tabiiy jarayonlar bilan bog’liq holda vujudga keluvchi ishsizlik ko’rinishi.
Fors - major - bitimda ishtirok etuvchi tomonlarning xohishlariga bog’liq bo’lmagan holda, bitim majburiyatlarining bajarilmasligiga olib keluvchi, oldindan aytish mumkin bo’lmagan hodisa va jarayonlarning yuz berishi.
F’yuchers bozorlari - f’yuchers bitimlarini tuzish va amalga oshirish maqsadida tashkil etiluvchi bozor shakli.
Filips egri chizig’i - ingliz iqtisodchisi A. V. Filips nomi bilan bog’liq bo’lgan, ishsizlik darajasi va narxlarning umumiy o’sish sur’atlari o’rtasidagi bog’liqlikni aks ettiruvchi egri chiziq. U qisqa muddatli davrlarda ishsizlik va inflyasiya o’rtasidagi bog’liqlikni tahlil qilish imkonini beradi.
Franchayzing - yirik korxonaning boshqa bir korxonaga o’z savdo tarmoqlari va savdo belgilaridan, nou - xaularidan foydala-nishga ruxsat berish haqidagi kelishuvi. Bu holda ikkinchi korxona savdo tushumlarining ma’lum bir qismini franchayzing taqdim etuvchiga o’tkazadi.
Franshiza - franchayzing asosida ma’lum bir faoliyatni amalga oshirish huquqi.
X
Xalqaro iqtisodiy aloqalar - xalqaro mehnat taqsimoti va nisbiy avfzallik tamoyillari asosida turli milliy iqtisodiyotlar o’rtasida amalga oshiriluvchi xo’jalik aloqalari tizimi.
Xolding - boshqa korxonalarning nazorat aksiya paketlariga ega va pirovardida ushbu korxonalar ustidan nazorat qilish imkoniga ega bo’lgan kompaniya.