International Accounting Standard 19

Бошқа МҲҲСлардаги маълумотларни очиб бериш талаблари
151 БҲХС 24 орқали талаб этилганда, тадбиркорлик субъекти қуйидагилар тўғрисидаги маълумотларни очиб беради:
(a) бандликдан-сўнгги нафақа тизимлари билан ўзаро боғлиқ томон операцияси; ва
(б) асосий раҳбарият ходимлари учун бандликдан-сўнгги нафақалар.
152 БҲХС 37 орқали талаб этилганда, тадбиркорлик субъекти бандликдан-сўнгги нафақа мажбуриятларидан юзага келадиган шартли мажбурият тўғрисидаги маълумотларни очиб беради.
Ходимларнинг бошқа узоқ муддатли даромадлари
153 Ходимларнинг бошқа узоқ муддатли даромадлари қуйидагилар каби моддаларни ўз ичига олади, агарда уларнинг тўлиқ ҳисоб-китоб қилиниши ходимлар тегишли хизматларни кўрсатадиган йиллик ҳисобот даври охиридан сўнг ўн икки ойдан олдин кутилмаса:
(a) узоқ муддатли тўланадиган таътиллар , масалан кўп йил ишлаганлик учун пул мукофоти ва тўловлар ёки ижодий таътил;
(б) юбилейга мукофотлар ёки бошқа узоқ муддатли хизмат ҳақлари;
(в) меҳнат лаёқатини вақтинча йўқотган ходимларга қўшимча узоқ муддатли ҳақ тўлаш;
(г) фойдада-қатнашиш ва мукофотлар; ва
(д) ходимларнинг кечиктирилган даромадлари.
154 Ходимларнинг бошқа узоқ муддатли даромадларининг баҳоланиши одатда бандликдан-сўнгги нафақаларнинг баҳоланиши каби бир хил ноаниқлик даражасига эга эмас. Шу туфайли, мазкур Стандарт ходимларнинг бошқа узоқ муддатли даромадларини ҳисобга олишнинг оддий усулини талаб этади. Бандликдан-сўнгги нафақалар учун талаб этилган бухгалтерия ҳисоби фарқли ўлароқ, мазкур усул бошқа умумлашган даромадда қайта баҳолашларни тан олмайди.
Тан олиш ва баҳолаш
155 Ходимларнинг бошқа узоқ муддатли даромадлари тизимидаги профицит ёки дефицитни тан олиш ва баҳолашда, тадбиркорлик субъекти 56-98 ва 113-115 бандларни қўллаши лозим. Тадбиркорлик субъекти 116-119 бандларни ҳар қандай қоплаш ҳуқуқини тан олишда ва баҳолашда қўллаши лозим.
156 Ходимларнинг бошқа узоқ муддатли даромадлари бўйича, тадбиркорлик субъекти фойда ёки зарарда қуйидаги суммаларнинг соф жамини тан олиши лозим, бунда бошқа МҲХС уларни активнинг таннархига киритишни талаб этмаса ёки киритишга рухсат бермаса:
(a) хизмат қиймати (66-112 бандларга қаранг);
(б) соф белгиланган нафақа мажбурияти (активи) бўйича соф фоиз (123-126 бандларга қаранг); ва
(в) соф белгиланган нафақа мажбуриятини (активини) қайта баҳолашлар (127-130 бандларга қаранг).
157 Ходимларнинг бошқа узоқ муддатли даромадларнинг бир шакли – бу меҳнат лаёқатини вақтинча йўқотган ходимларга қўшимча узоқ муддатли ҳақ тўлашдир. Агарда ҳақ даражаси хизмат муддатига боғлиқ бўлса, мажбурият хизмат кўрсатилганда юзага келади. Ушбу мажбуриятни баҳолаш тўлов талаб этилиши бўйича эҳтимолни ва тўловни амалга оширилиши кутилган вақтнинг муддатини акс эттиради. Агарда ҳақ даражаси хизмат йилларидан қатъий назар ҳар қандай меҳнатга яроқсиз ходим учун бир хил бўлса, ушбу ҳақларнинг кутилган қиймати узоқ муддатли меҳнатга яроқсизликка сабаб бўладиган ҳодиса содир бўлган пайтда тан олинади.