International Accounting Standard 19

Кўп сонли иш берувчилар тизимлари
148 Агарда тадбиркорлик субъекти кўп сонли иш берувчиларнинг белгиланган нафақа тизимида иштирок этса, у қуйидагиларни очиб бериши лозим:
(a) молиялаштириш келишувларининг, жумладан тадбиркорлик субъектининг бадаллар даражасини аниқлашда фойдаланилган усуллар ва ҳар қандай минимал молиялаштириш талабларининг изоҳи.
(б) тадбиркорлик субъекти кўп сонли иш берувчилар тизимининг шартлари ва шароитлари асосида тизим учун бошқа тадбиркорлик субъектларининг мажбуриятлари бўйича жавобгар бўлиши мумкинлиги даражасининг изоҳи.
(в) дефицитнинг ёки профицитнинг қуйидагиларга ҳар қандай келишилган тақсимланиши:
(i) тизимни тугаллаш; ёки
(ii) тадбиркорлик субъектининг тизимдан чиқиши.
(г) агарда тадбиркорлик субъекти 34-бандга мувофиқ ушбу тизимни худдики у белгиланган бадал тизими сифатида ҳисобга олса, у (а)-(в) да талаб этилган маълумотлар билан бирга ва 139-147 бандларда талаб этилган маълумотлар ўрнига, қуйидагиларни очиб бериши лозим:
(i) тизим белгиланган нафақа тизим эканлиги тўғрисидаги факт.
(ii) тадбиркорлик субъекти учун тизимни белгиланган нафақа тизими сифатида ҳисобга олишда етарли маълумотлар мавжуд эмаслигининг сабаби.
(iii) кейинги йиллик ҳисобот даври учун тизимга тўланиши кутилган бадаллар.
(iv) келгуси бадалларнинг суммасига таъсир этиши мумкин бўлган тизимдаги ҳар қандай дефицит ёки профицит тўғрисидаги маълумот, жумладан ушбу дефицитни ёки профицитни аниқлашда фойдаланилган асос ва тадбиркорлик субъекти учун унинг оқибатлари, агарда мавжуд бўлса.
(v) бошқа иштирокчи тадбиркорлик субъектлари билан солиштирганда, тадбиркорлик субъектининг тизимдаги иштироки даражасининг белгиси. Бундай белгини таъминлаши мумкин бўлган кўрсаткичларга мисоллар тадбиркорлик субъектининг тизимдаги жами баддаллардаги улуши ёки нафақаларга нисбатан ҳуқуққа эга бўлган фаол аъзоларнинг, нафақага чиққан аъзоларнинг ва собиқ аъзоларнинг жами сонидаги тадбиркорлик субъектининг улуши, агарда ушбу маълумотлар мавжуд бўлса.
Умумий назорат остида бўлган тадбиркорлик субъектлари ўртасида рискларни тақсимлайдиган белгиланган нафақа тизимлари
149 Агарда тадбиркорлик субъекти умумий назорат остида бўлган тадбиркорлик субъектлари ўртасида рискларни тақсимлайдиган белгиланган нафақа тизимида иштирок этса, у қуйидагиларни очиб бериши лозим:
(a) соф белгиланган нафақа қийматини тўлашни юклайдиган шартномавий келишув ёки белгиланган сиёсат ёки бундай сиёсат мавжуд эмаслиги тўғрисидаги факт.
(б) тадбиркорлик субъекти томонидан тўланадиган бадални аниқлаш сиёсати.
(в) агарда тадбиркорлик субъекти соф белгиланган нафақа қийматининг тақсимланишини 41-бандда белгилангандек ҳисобга олса, 135-147 бандларда талаб этилган бутун тизим тўғрисидаги барча маълумотлар.
(г) агарда тадбиркорлик субъекти давр учун тўланадиган бадални 41-бандда белгилангандек ҳисобга олса, 135-137, 139, 142-144 ва 147(а) ва (б)-бандларда талаб этилган бутун тизим тўғрисидаги маълумотлар.
150 149(в) ва (г)-бандда талаб этилган маълумотлар гуруҳдаги бошқа тадбиркорлик субъектининг молиявий ҳисоботларидаги очиб беришларга кесишган-ҳавола орқали очиб берилиши мумкин, агарда:
(a) гуруҳдаги ушбу тадбиркорлик субъектининг молиявий ҳисоботлари тизим тўғрисида талаб этилган маълумотларни алоҳида аниқласа ва очиб берса; ва
(б) гуруҳдаги ушбу тадбиркорлик субъектининг молиявий ҳисоботлари тадбиркорлик субъектининг молиявий ҳисоботлари каби бир шартларда ва тадбиркорлик субъектининг молиявий ҳисоботлари каби бир вақтда, ёки эртароқ, молиявий ҳисоботлардан фойдаланувчилар учун мавжуд бўлса.