Institutí NÓkis filialí «Veterinariyada kàsip etikaSÌ»

Infraqızıl lampasında lampochka ornına quwatı 300-500 Vt bolǵan spiralli keramik patron ornatıladı, onıń qozlanıwınan 500º C den joqarı ıssılıq payda boladı. Infraruj lampası teriden 40 -80 sm uzaqlıqta ornatılıp, emlew seansı 15-30 minut dawam etedi. Emlew kursı 20 -25 seanstan ibarat boladı.
Emlewde quyash nurlarınan paydalanıw. Quyash nurınıń organizmge unamlı tásiri áyyemnen málim bolıp, onıń tásirinde teride biologiyalıq aktiv elementler payda boladı, organizmge gumoral hám nerv-reflektor jollar menen tásir kórsetedi. Quyash nurları tásirinde haywannıń dene salmaǵı hám onıń keselliklerge salıstırǵanda tıģızlıǵı asadı, kalciy hám fosfor duzlarınıń súyeklerde toplanıwı, júnniǹ ósiwi, ter hám may beziniń funkciyası, qannıń sapalı quramı, gemopoez, gazlar almasıwı, glikogen payda bolıwı hám organizmnen tolıq oksidlenbegen elementlerdıń shıǵarılıwı jaqsılanadı.
Elektroterapiya dep emlewde elektr tokınan paydalanıwǵa aytıladı. Onıń ushın kishi kernewli hám de tómen chastotalı (galvanoterapiya, elektroforez), joqarı kernewli hám úlken chastotalı (darsonvallaw, induktotermiya), impulsli (faradiylash) elektr tokları hám ultra joqarı chastotalı elektromagnit tolqınlardan (UVCh terapiya ) paydalanıladı.
Galvanoterapiya dep tómen kernewli (30 -80 V) hám kishi tok kúshine (50 mA ge shekem ) iye bolǵan elektr tokı menen emlewge aytıladı.
Faradizaciya dep chastotası 20 -60 Gc, tok kúshi 25-50 mA, kernewi 50-80 V bolǵan impulsli elektr tokı menen emlewge aytıladı. Bunda impulslanıwshı tok tásirinde bulshıq etlerdıń ritmik qısqarıwları nátiyjesinde qan hám limfa tamırlarınıń bir ırǵaqta tolıp hám bosanıp turıwı támiyinlenedi. Nátiyjede qan hám limfa aylanıwı hám de toqımalardıń azıqlanıwı jaqsılanadı.
Faradizaciyada ASM-2, ASM-3 markalı elektr impulsatorlarınan (50-100 gc) paydalanıladı. Aktiv elektrodtıń maydanı 1-5 sm², passiv elektrodtiki - 200-300 sm² ti quraydı. 10 -15 minutdan kúnine yamasa hár eki kúnde bir ret, jámi 20 -40 seans usınıs etiledi.
Diatermiya (Induktotermiya) - chastotası 0, 5-2 mln Gc, tok kúshi 3 A hám kernewi 200-250 V bolǵan elektr tokı menen emlew usılı. Diatermiya waqtında deneniń hám sonıń menen birge, ishki aǵzalardıń temperaturası 2-4º C qa kóteriledi. Ishki suyıqlıq muǵdarı azayadı, awırıw páseyedi, toqımalar trofikası hám ekssudattıń sorılıwı tezlesedi, toqımalardıń baktericidlik ózgesheligi hám olardaǵı bioximiyalıq processler jedellesedi.
UVCh terapiya - ultra joqarı chastotalı elektromagnit maydanına iye bolǵan elektr tokı menen emlew usılı. UVCH terapiyada elektrodlar arasında jaylasqan haywan denesine 30 -300 Gc chastotalı hám 1-10 m tolqın uzınlıǵına iye bolǵan elektromagnit maydanı tásir etedi hám nátiyjede mayda qan tamırları keńeyedi, toqımalar ara ıssılıq asadı, kletka membranasınıń elektr zaryadı hám kolloidlar dúzilisi ózgeredi, katalizatorlar hám fermentler aktivligi asadı, eritropoez hám fagocitoz kúsheyedi. UVCH terapiyadan krupoz pnevmoniya, plevrit, koliklar, parez hám yarım parezler, frontit, gaymorit hám flegmonalerdi emlewde paydalanıladı.