«институционал иқтисодиёт»

Иқтисодиётдаги маъмурий тўсиқлар
– бу давлат органларининг қарорлари 
билан белгиланган, уларга амал қилиш бозорда фаолият юритишнинг мажбурий 
шарти ҳисобланган, бюрократик тартиботларни ўташ учун одатда бюджетга 
тушмайдиган тўловларни жорий этувчи қоидалар. 
Иқтисодий империализм
– неоклассик ёндашув асосида жамият тўғрисидаги 
фанларнинг бутун тарқоқ оиласини унификациялаш. 
Келишувлар нисбатининг
қуйидаги вариантлари мавжуд:
 
Муроса
– унда турли келишувлар талаблари ўртасидаги зиддиятга барҳам 
берувчи синтетик нормалар намоён бўладиган келишувлар нисбати 
Уриниш
– унда бир ўзаро ҳамкорликнинг ўзи бир-бирини истисно этувчи 
нормалар асосида амалга оширилиши мумкин бўлган келишувлар нисбати. 
Экспансия
– унда ўзаро ҳамкорликни ташкил қилиш илгари бошқа 
келишувлар ҳукмронлик қилган соҳалардаги келишувлардан бирининг нормалари 
асосида амалга ошадиган келишувлар нисбати. 
Кооперация
– инсонлар гуруҳи ҳамкорлигининг хили бўлиб, унинг 
натижасида қандайдир ресурсдан биргаликда фойдаланиш якка тартибда 
фойдаланишдагига қараганда яхшироқ натижаларга эришишга ёрдам беради. 
Коррупцияни институционаллаштириш
– қарорлар коррумпирланган 
сиёсатчилар томонидан хусусий компаниялар манфаатлари йўлида эмас, балки 
коррумпирланган бюрократик тузилмалар манфаатлари йўлида қабул қилинадиган 
маъмурий ва сиёсий коррупцияни синтез қилиш. 
Коуз теоремаси:
агар мулк ҳуқуқи аниқ тафсирланган бўлса, яъни хўжалик 
юритувчи субъектлар ҳуқуқларининг чегаралари аниқ белгиланган бўлса ва ижро 
этилса, у ҳолда томонлар ўртасидаги ушбу мулкдан фойдаланишдан етказилган 
зарарлар бўйича ихтилофли масалани учинчи томон (давлат)ни жалб қилмаган 
ҳолда ҳал этиш мумкин бўлади, чунки мазкур ҳолатда трансакция харажатлари кам 
бўлади.