Инсоният ўз тараққиёти давомида доимо ўзаро мулоқот қилиш, фикр, тажриба алмашиш, бир-бирининг ҳолидан хабардор бўлиб туришга интилиб келган. Унинг ана шу эҳтиёжини қондиришда почта хизмати беқиёс аҳамиятга эга бўлган

Банк қўйилмаси бўйича шартнома – ёзма кўринишда тузилади, қўйилма эгаси ва почта алоқасининг ваколатли ишчиси томонидан имзоланади.
2-0 шаклдаги омонат дафтарчаси – қатий ҳисоб китоб бланкаси, почта алоқаси бўлимларида қўйилмалар бўйича операциялар ўтказиш учун мўлжалланган хужжат.
0503150001 шакл (албом шакл) – шахсий хисоб рақам карточкаси. Қўйилма хисоб рақами очилишида расмийлаштирилади. Қўйилма эгасининг имзо намунаси мавжуд бўлади, хисоб рақами бўйича қўшимча маълумотларни белгилаш, хисоб рақам эгаси ҳақида маълумотларни ёзиш учун мўлжалланган. Бундан ташқари қўйилма бўйича барча операциялар акс эттирилади. Шахсий хисоб карточкаси почта алоқаси бўлими кортатекаларида иш куни якунигача сақланади ва иш куни якунида қулфланиб, сургич билан мухрланади. Карточка тўлганда қўйилма қолдиғи янги карточкага ўтказилади лекин шахсий хисоб рақам тартиби ўзгармайди. Қўйилманинг тўлиқ тўланиши ва хисоб рақамининг ёпилиши холларида хисоб варақасига қўйилма тўланган деб ёзув ёзилади, хисоб рақами ёзилган сана кўрсатилади ва имзоланади. Кейинг йилнинг биринчи чораги давомида ўтган йили ёпилган хисоб рақамларнинг рўйхати тузилади. Рўйхатда почта алоқаси бўлимининг рақами кўрсатилади, хисоб варақалари ёпилган йил тартиб рақами ҳисоб варақа номери, қўйилма эгасининг фамилия, исм, шарифи, ёпилган сана кўрсатилади. Рўйхат икки нусхада тузилади. Бир нусхаси почта алоқа бўлимида қолади, иккинчи нусхаси шахсий хисоб варақаси билан биргаликда почта алоқаси тармоғига топширилади.
Алфавит карточкаси 0503150003 шакл (албом шакл) – қўйилма бўйича хисоб варақасининг рақами ва қўйилма эгаси тўғрисида сўров ахборотномасини акс эттириш учун мўлжалланган. Банк операцияларини амалга оширувчи почта алоқаси бўлимларида қўйилма хисоб варақасини очишда расмийлаштирилади. Почта алоқаси бўлимида сақланади ва қўйилма тўлаб бўлингандан сўнг алфавит карточкаси алфавит картатекасидан олиб ташланади, қўйилма тўлаб бўлинган белгиси қўйилади ва почта алоқаси бўлими ходими томонидан имзоланиб архивга топширилади.