Инновацион таълим технологиялари маркази

 
М.Э. ПЎЛАТОВ 
 
“Молиявий ҳисоб” фанидан 
ЛОЙИҲА АСОСИДА ЎҚИТИШ ТЕХНОЛОГИЯСИ 
Ўқув лойиҳаси:
“Ҳисоб сиёсатини тузиш” 
 
ПЕДАГОГИК АННОТАЦИЯ 
 
Фаннинг номи: “Молиявий ҳисоб”.
Мавзунинг номи: “Ҳисоб сиёсати”. 
Иштирокчилар: бакалавриат босқичи “Бухгалтерия ҳисоби ва аудит” 
йўналиши, 3-курс талабалари. 
Ўқитишнинг мақсади:
ўқув курси бўйича эгалланган билимларни 
чуқурлаштириш мақсадида корхонанинг ҳисоб сиёсатини тузиш бўйича малака 
кўникмаларни шакллантириш.
Режалаштирилаётган ўқув натижалари:
ҳисоб сиёсатининг мақсади ва 
вазифаларини англаб етади; корхоналарнинг ҳисоб юритиш тизимидаги ўзига хос 
жиҳатларни ажрата олади; ҳисоб сиёсати таркибини ўзлаштиради; ҳисоб сиёсатига 
ўзгартириш киритиш йўлларини билиб олади; аниқ корхона учун ҳисоб сиёсатини 
тузиш кўникмаларига эга бўлади.
Лойиҳалаштириш фаолияти бўйича қуйидаги амалий кўникмаларга эга бўлади: 
муаммони шакллантириш ва вазифаларни аниқлаш; вазифаларни амалга оширишдаги 
усулларни танлаш ва улардан фойдаланиш; ўз фаолиятини режалаштириш; маълумот 
манбаларини аниқлаш, тизимга келтириш ва таҳлил этиш; натижаларни талаб 
даражасида расмийлаштириш ва керакли кўринишда тақдим этиш. 
Талабалар лойиҳани муваффақиятли бажаришлари учун билишлари лозим 
бўлган таянч билим ва кўникмалар қуйидагилардан иборат:
Қуйидаги таянч билимларни билиши керак: ҳисоб сиёсати борасидаги меъёрий 
ҳужжатлар; ҳисоб сиёсати таркибини ташкил этувчи ҳар бир бўлимнинг назарий 
асослари; корхона фаолиятига доир ўзига хос жиҳатларни таҳлил этиш ва баҳолаш.
Қуйидаги 
кўникмаларга 
эга 
бўлишлари 
керак: 
бухгалтерия 
ҳисоби 
маълумотларини йиғиш, қайта ишлаш ва тақдим этиш; ҳисоб сиёсатида акс 
эттирилувчи маълумотларни таҳлил этиш; гуруҳда фаолият юритиш, ҳамкорликда 
ўқиш тартиб ва қоидалари.