Инновацион таълим технологиялари маркази

 
ЎҚУВ ЛОЙИҲАСИ: “ҲИСОБ СИЁСАТИНИ ТУЗИШ“
I. ЛОЙИҲА ТОПШИРИҒИ 
 
Иқтисодий ислоҳотлар даврида хўжалик юритувчи субъектлар олдида турган 
асосий вазифа танланган фаолият юритиш соҳасининг талаблари ва ўз манфаатлари 
доирасида сифатли, рақобатбардош ҳамда нисбатан арзон маҳсулот (иш ва хизмат) 
ларни истеъмолчиларга етказиб беришдан иборат. Бу эса корхонанинг танлаган 
стратегиясига бевосита боғлиқдир. Ушбу стратегия корхонанинг иш юритиш ҳамда 
ҳисобни ташкил этиш усулларидан иборат бўлиб, унинг мақсадга мувофиқ 
шакллантирилиши кўп жиҳатдан уни тузиш тартиби ва тузувчиларнинг малакаларига 
боғлиқ.  
Ҳисоб сиёсати деганда, хўжалик юритувчи субъектнинг ўзига хос 
хусусиятларини инобатга олинган ҳолда тузилувчи ўз таркибига ҳисобни ташкил этиш, 
юритиш ва молиявий ҳисоботларни тузиш учун қабул қилинадиган усулларни 
жамловчи расмий ҳужжат сифатида қаралади.
Ҳисоб сиёсатида бухгалтерия ҳисобини гуруҳларга ажратиш ва хўжалик 
фаолияти далилларига баҳо бериш, активлар қийматини аниқлаш, ҳужжатлар 
айланмаси, ишчи ҳисоб-рақамлар режаси, мол-мулкни рўйхатга олишни ташкил этиш 
усуллари, ҳисоб регистрлари тизими, ахборотларни қайта ишлаш босқичлари ва 
корхона фаолиятига дахлдор бўлган ўзига хос ҳолатлар ҳисобини ташкил этиш 
услубиятлари ўз аксини топиши лозим. Аммо, ҳозирги кунда корхоналар томонидан 
ҳисоб сиёсатини талаб даражасида шакллантириш масаласига етарли эътибор 
қаратилмаяпти. Бунинг асосий сабабларидан бири мутахассисларда бу борадаги билим 
ва кўникмаларнинг етишмаслиги ва ҳисоб сиёсатининг аҳамиятига тўлақонли тушуниб 
етишмаётганидадир.
Лойиҳа доирасида ечилиши керак бўлган муаммо корхонанинг ҳисоб 
юритиш тизимидаги ўзига хос хусусиятларидан келиб чиққан ҳолда ҳисоб сиёсатини 
тузиш иборат. 
Вазифалар: 
1. Ишлаб чиқариш соҳасидаги кичик корхона учун ҳисоб сиёсатини тузиш. 
2. Хизмат кўрсатиш соҳасидаги кичик корхона учун ҳисоб сиёсатини тузиш. 
3. Қишлоқ хўжалиги соҳасидаги кичик корхона учун ҳисоб сиёсатини тузиш.