Таянч тушунчалар

19-модул. Таълим жараёнида ўйин технологияларини қўллаш. Педагогик ўйинлар типологияси




Таянч тушунчалар:

шахсга йўналтирилган таълим шакллари, ўйин, ўйин технологиялари, педагогик ўйинлар,
Сселевконинг педагогик ўйинлар классификацияси,
сюжетли, ролли, ишбилармонлик, имитацион ўйинлар, драматик ўйинларнинг бир биридан фарқи,
таълим жараёнида ўйин технологияларини қўллаш

Режа:
1.Ўйин тушунчасининг моҳияти. Ўйин технологиялари.
2. Педагогик ўйинларнинг асосий белгилари. Г.К.Селевконинг педагогик ўйинлар типологияси.
3. Дидактик ўйинлар. Сюжетли ўйинлар. Ролли ўйинлар. Ишбилармонлик ўйинлари. Имитацион ўйинлар. Драматик ўйинлар (психологик ва ижтимоий).
4. Таълим жараёнида ўйин технологияларини қўллашга қўйиладиган талаблар.
5. Педагогик ўйинларни ташкил этиш ва ўтказиш тартиби

.

1. 
   Ўйин тушунчасининг моҳияти. Ўйин технологиялари.
   

“Бугунги кунда биз нега баъзи таълим олувчиларнинг ўқув ишларига бўлган иштиёқи пасайиб бораётганини билишимиз керак ва буни амалга ошириш жараёнида барча ўқишга қизиқиши кам талабаларни бир хил сабаб ва муолажа соябони остида бирлаштиришни рад этишимиз керак”¹- дейди америкалик педагог А.Муур.

Замонавий шароитда талабаларнинг ўқув-билиш фаолликларини кучайтириш, ўқитиш сифатини ошириш ва самарадорлигини яхшилаш мақсадида инновацион характерга эга таълим шаклларидан фойдаланиш мақсадга мувофиқдир. Бугунги кунда амалий ўйинлар, муаммоли ўқитиш, интерфаол таълим, модул-кредит тизими, масофали ўқитиш, blended learning (аралаш ўқитиш) ва маҳорат дарслари таълимнинг инновацион шакллари сифатида эътироф этилмоқда.
Айни ўринда таълимда инновацион характерга эга педагогик ўйинлар тўғрисида сўз юритилади.