Бугунги кунда суғуртанинг ахамияти Суғурта ижтимоий муносабатлар тарихий туркумларидан биридир. Асосан сугурта сўзи маъноси “қўрқув”(“страх”) сўзи билан боғлидир. Суғурта ташкилотлари XVII асрдан бошлаб Европа мамлакатларида ўз фаолиятларини бошлаганлар. Ўрта Осиё мамлакатларида хам фондсиз суғурта тушунчаси мавжуд бўлиб асосан бунда ташқи савдони кенгайтириш ва ривожлантришга каратилган катор тадбирларни амалга ошириш муносабати билан савдогарларни таланган мол мулклари давлат томонидан тиклаб бериладиган бўлган. Бизнинг мамлакатимизда суғуртанинг ривожланиши учун 1991 йилда “Мол-мулкларни давлат тассаруфидан чиқариш ва хусусийлаштриш тўғрисида”ги қонуннинг қабул қилиниши катта туртки бўлди. Бизга маълумки илгари барча корхона ва ташкилотлар бинолари давлат ихтиёрида бўлганлиги учун уларни хар хил табий офат ва кўнгилсиз ходисалардан суғурталаш эхтиёжи бўлмаган. Ушбу корхоналарга суғурта ходисаси натижасида зарар етказилса, бу зарарлар давлат маблағлари томонидан қоплаб берилиб келган. Мустакилликга эришганимиздан сўнг республикамизда суғурта фаолиятига талаб сезиларли даражада ошиб борди. Ушбу талаблардан келиб чикиб 1993 йил 6 майда Ўзбекистон Республикасининг Олий кенгаши(Олий Мажлис) “Суғурта тўғрисида”ги қонун кабул қилинди. Мазкур қонун бу суғурта хизматларини фаолиятини хуқуқий асосларини, республикамизнинг ижтимой-иқтисодий ривожланишида суғурта ташкилотларини мавкеи ва ўрнини белгилаб берди. Бугунги кунга қадар суғурта хизматларини мажбурий ва ихтиёрий турларига қараб кўплаб қонун ва карорлар ишлаб чиқилган. Республикамизда хозирги кунда суғурта бозорида 30га яқин суғурта ташкилотлари фаолият олиб боради. Бу эса ўз навбатида худудларда суғурта бозорини ривожланиш даражасини юқори тенденсия кўринишига олиб келади. Лекин бизнинг мамлакатимизда суғурта бозорини тартибсизлиги ва етук суғурта маркетолигларни етишмаслиги оқибатида суғурта хизматларига бўлган талаб мамлакат ахолиси хамда корхона ва ташкилотларда етарлик эмас. Бунинг учун эса ўз навбатида суғурта компаниялари уларнинг ишончини оқлаши ва суғурта хизматлари ривожланган мамлакатлардан андоза олиши керак бўлади. Қарийб мамлакатимизда суғурта хизматларининг 100 дан ортиқ турлари мавжуд, аммо суғурта объекти ва субъектларининг ушбу хизматлар хақидаги тушунчаси етарли даражада эмаслиги ахолининг суғурта ташкилотларига бўлган ишончини юқорилашига хизмат қила олмайди. Суғурта ташкилоти ёки суғурта хизматлари дийилганда хар биримизнинг кўз олдимизга “Транспорт воситаси эгаларининг фуқаролик жавобгарлигининг мажбурий суғуртаси” суғурта тури ёки ахоли тили билан айтганда “Авто суғурта” тушунилади бу эса ўз навбатида мамлакатимизда суғурта бозорини бир ёки иккита суғурта тури билан раелизация килинаётганини тушунишимиз мумкун. Шунинг учун хам мамлакатимиз ялпи ички махсулотда суғурта хизматларини ўсиши жуда паст кўрсаткичларда ифодаланади. Суғурта хизматлари ривожланган мамлакатларда ушбу кўрсаткичлар хизматлар кўрсатиш сохасида 5-8 фоизларни ташкил килади. Иқтисодий муносабатларнинг ривожланиб бориши, ишлаб чиқариш ва хизмат курсатиш соҳаларида фойда олиш мақсадларининг усиб боришига турли хил куринишдаги хавфхатар салбий таъсир курсатади. Инсонларнинг ҳам кундалик ҳаётида учрайдиган турли мудҳиш ҳодисалар (касалликка чалиниши, меҳнат қобилиятининг йуқотилиши, мулкий зарарланишлари ва ҳоказолар), уларнинг кузда тутилмаган харажатларининг юзага келишига олиб келади. Бундай ҳолатларнинг салбий таъсирини юмшатиш ва иқтисодий томонлама ҳимоялашнинг энг мақбул усули бу сугурталанишдир. 2020 йилда жахонда коронавирус пендеменияси кириб борган хар бир давлатда иқтисодий-ижтимоий ривожланиш сезиларли даражада пасайди, ушбу вирус бизнинг мамлакатга хам ўз тасирини кўрсатибгина қолмасдан табий офатлар хам кириб келди. Ушбу табий офатлар орқали ахолини мол-мулклари, корхона ва ташкилотларни бино-иншоотлари кўплаб зарар кўрди. Ушбу зарарларин кўплари ўз маблағлари ва давлат ижтимоий химояси хисобидан бартараф этилди. Бундай холлларда агарда ахолини суғурта хизматлари хақида тушунчаси бўлганида мол-мулкларни бахтсиз ходисадан суғурталаш ва шахсий суғурта хизматларидан кенг фойдаланган бўларди хамда кўрилган зарарлар суғурта компаниялари томонидан қоплаб бериларди. Бунда жисмоний шахисларни бахтсиз ходисадан суғурталаш, жисмоний шахисларни мол-мулкларини суғурталаш каби шахсий суғурта турларидан фойдаланиш ахоли учун жуда керак ва мухум хисобланади. Демак хозирги иқтисодий-ижтимоий ривожлаиш даврида суғуртанинг хизмати хам мухум ахамият касб этади, чунки бундай давирда хар ким хам иқтисодий ва моддий томонлама зарар кўришни истамайди, бундай давирда суғурта компаниялари ўз хизмати рекламаларини ривожлантирса ўз навбатида суғурта хизматларига бўлган талаблар ортиб боради. “Кафолат суғурта компанияси” АЖ Фарғона вилоят филиали суғурта шартномаари билан ишлаш бўлими бошлиғи С.А.Матяқубов
