«informatikani o`qitish texnologiyalari va loyihalashtirish» fanidan tajriba mashg’ulotlari o`qitishning ta`lim texnologiyalari

12-laboratoriya ishi.
Mavzu: Ta’lim jarayonini loyihalashtirish. Innovatsion pedagogik muhitni tashkil etish vositalari
Ishning maqsadi:
1. Pedagogik innovatsiyalar maqsadi, mazmun-mohiyati va muhim belgilari
2. Pedagogik innovatsiya imkoniyatlari, vazifalari va rivojlanish jarayoni bosqichlari
1-asosiy savol bo’yicha darsning maqsadi: Pedagogik innovatsiyalar maqsadi, mazmun-mohiyati va muhim belgilari haqidagi tushunchalarni talabalarda shakllantirish.
Identiv o’quv maqsadlari:
1. Pedagogik innovatsiyalar maqsadi, mazmun-mohiyati va muhim belgilari to’g’risidagi tushunchalarga ega bo’ladilar.
2. Pedagogik innovatsiyalar maqsadi, mazmun-mohiyati va muhim belgilari to’g’risidagi tushunchalarni farqlay oladilar.
1-asosiy savol bayoni: Mamlakatimiz taraqqiyoti va kelajagi ta`lim-tarbiya sohasidagi sifat o’zgarishlari va yuqori samaradorlikka ularning jahon ta`lim talablari bilan mosligi va amaliy hayotdagi o’rnini qay darajada topayotganligiga bog’liq. Ta`lim-tarbiyadagi sifat o’zgarishlari va yuqori samaradorlik esa mazkur sohaga ijobiy yangilik kiritish bilan belgilanadi. Bunday yangilikni kiritish jarayoni innovatsion jarayon bo’lib, ilg’or pedpgogik texnologiyalarni joriy qilib, ta`limda sifat va samaradorlikka erishishdan iborat bo’ladi.
Pedagogik innovatsiya - bo’lajak mutaxassislarni yangicha sharoitlarda ishlashga tayyorlovchi jarayon bo’lib, u oldingi egallangan bilimlar asosidi ta`limda
sifatiy o’zgarishlar qilib, yuqori samadorlikka erishishga yangicha yondashuv qilishdan iboratdir.
Bunday pedagogik innovatsiya deganda pedagogik tizimning maqsadi, mazmun-mohiyati, belgilarini, imkoniyatlarini, vazifalarini, rivojlanish bosqichlari va tamoyillarining rivojlanish mexanizmlarini va ulardan foydalanishga uslubiy tavsiyalar hamda bu borada bo’lajak mutaxassislarda shakllanadigan xislatlarni hosil qilish jarayonini ifodalovchi ta`lim-tarbiya jarayonining sifat jihatlarini takomillashtirib, bu sohada yuqori samaradorlikka erishishni tushunish mumkin.
Endi yuqorida ifodalangan ta`lim-tarbiya tizimini sifat jihatidan takomillashtirib, yuqori darajadagi samaradorlikka erishtiruvchi holatlar haqida qisqacha ma`lumotlar beramiz.