Информатика ва ахборот технологиялари”

U dacity - Стэнфорд профессор Себастьян Тран томонидан асос солинган нотижорат MOOCs ҳисобланади. 2013 йил март ойида Udacity платформа венчур инвестицияларни 21 миллиондан ортиқ АҚШ доллари жалб қилди. 26 та курслар таклиф этилди. 0,3 миллиондан ортиқ иштирокчилар рўйхатга олинди. Асосчиларнинг фикрича, лойиҳанинг мақсади бўлиб таълимни демократлаштириш ҳисобланади. Udacity платформадаги барча электрон курслар бепул ва Интернет орқали барча қизиқувчиларга қулайдир. Фойдаланувчиларга аввал фақат 6 курс таклиф этилган. 2015 йил апрель ойиининг бошидаги ҳолатига кўра, Udacity платформадаги курсларнинг умумий сони 76тани, таълим олувчиларнинг (ўқишни тугатганлар) сони ўн минг кишини ташкил этди. Курслар 3 та: «Beginner» (дастлабки даража), «Intermediate» (оралиқ даража), «Advanced» (ривожланган даража) даражага ажратилган. Курслар, асосан, инглиз тилида ўқитилади [9, 30].

7-расм. Udacity расмий сайтининг умумий кўриниши
Мисол учун Stanford, Duke, California Institute of Technology, University of Illinois at Urbana-Champaign, Berklee College of Music курслар Coursera негизида ишлайди, бошқа университетлар МООС курсини (MIT, Нarvard ва University of California at Berkeley учун edX лойиҳа) кенг ёйиш учун хусусий платформани яратишди. Udacity платформасини яратувчилари бошқа усулдан фойдаланишди ва курсларни жорий этишга университетнинг, ҳамда Google ва Microsoft каби йирик компанияларнинг юқори малакали мутахассисларини жалб қилишди. Ўқитувчи платформаларнинг бир қаторини, масалан, дастурлашни, «тьютр» нинг иштирокисиз ўрнатилган ва битта-ягона энтузиастнинг билимлари ёрдамида яратилган бўлиши мумкин [9, 30].
Бугунги кунда, олий таълим тизимида ахборот коммуникацион технологияларини тадбиқ этишдаги ислоҳотларни ўтказиш Ўзбекистон таълим соҳаси ривожланишининг муҳим омили бўлиб хизмат қилмоқда. Давлатимизда ташкил этилган дунёнинг энг салоҳиятли олий ўқув юртларидан Англиянинг Вестминистр университети, Италиянинг Турин политехника институти, Сингапур менежментни ривожлантириш институти, Жанубий Кореянинг ИНХА коммуникацион технологиялар университети, Россиянинг Губкин номидаги нефть ва газ университети, Ломоносов университети ва Г.В.Плеханов номли иқтисодиёт университети филиалларининг ташкил этилгани таълим тизимини жаҳон талабларига мос ривожланишида муҳим омил ҳисобланади. Жаҳон тажрибаларидаги энг илғор таълим соҳасидаги ривожланиш ютуқларини ўрганиш, ўз миллий хусусиятларимизга мос жиҳатларидан фойдаланиш, бугунги кун замон талабидир. Ҳозирда ривожланиш даражалари юқори кўрсаткичларни эгаллаган, мутахассислар эътирофига сабаб бўлган таълим тизимида замонавий ахборот технологияларидан фойдаланиш кўрсаткичлари юқори бўлган давлатлардан Жанубий Корея ва Япония ҳисобланади [30].
Ўзбекистон Республикаси Вазирлар Маҳкамасининг 2012 йил 25 июль 228-сонли қарори билан Олий ва ўрта махсус таълим вазирлиги ҳузурида Таълим муассасаларида электрон таълимни жорий этиш маркази ташкил этилди.