Информатика ва ахборот технологиялари”

ХУЛОСА ВА ТАКЛИФЛАР

Битирув ишини бажариш давомида талабаларнинг “Интернет асослари” бўйича билим ва кўникмаларини баҳолаш усулларини ўрганиб чиққан ҳолда таълим сифатини таъминлашда электрон таълим ресурсларини ишлаб чиқиш ва тадбиқ этиш юзасидан олиб борилган изланиш натижасига кўра қуйидаги хулоса ва таклифлар ишлаб чиқилди.

1.Ўзбекистон Республикасида қабул қилинган меъёрий-ҳуқуқий ҳужжатлар ахборотлаштиришнинг миллий тизимини шакллантириш, ахборот технологияларини жорий этиш ҳамда улардан фойдаланиш, фуқароларнинг ахборотга ортиб бораётган талаб-эҳтиёжларини қондириш, жаҳон ахборот ресурсларидан баҳраманд бўлиш асосида олий таълим муассасаларида юқори малакали, билимдон кадрлар тайёрлашнинг амалий дастурлари ҳисобланади, бу эса ўз навбатида таълим тизими сифатини таъминлаш хизмат қилади.

2. Олий таълим тизими сифатини таъминлашда электрон таълим ресурсларни ишлаб чиқиш ва тадбиқ этишда айни пайтда мавжуд бўлган муаммолар аниқланди ва унинг ечимлари топилди. Бинобарин,
- электрон таълим ресурсларини жорий этиш учун серверлар қуввати етишмаслиги;
- Республикамиздаги Moodle LMS тизими дастурий таъминотининг янгилаш зарурияти;
- электрон таълим ресурсларини ишлаб чиқиш ва тадбиқ этишда шахс муаммоси:
а) дастурларни ишлаб чиқувчи мутахассисларнинг етишмаслиги;
б) олий таълим муассасалари раҳбар ходимларининг электрон таълим ресурсларини ишлаб чиқиш ва тадбиқ этишдаги муносабати;
- олий таълим муассасаларида электрон таълим ресурсларини ишлаб чиқиш ва тадбиқ этиш бўйича ижодий гуруҳларни етарли даражада мавжуд эмаслиги;
- олий таълим муассасалари ахборот технологик марказларида электрон таълим ресурслари бўйича мутахассисларни етишмаслиги;
- олий таълим муассасаларида электрон таълим ресурсларини яратиш учун ахборот коммуникация технология воситаларини замонавий талабларга жавоб бермаслиги;
- профессор-ўқитувчиларнинг электрон таълим ресурсларини яратиш бўйича етарли маълумотга эга эмаслиги;
- профессор-ўқитувчиларнинг яратилган электрон таълим ресурсларидан етарли фойдалана олмаслиги;
- электрон таълим ресурсларини яратиш ва қўллаш учун профессор-ўқитувчиларда мотивациянинг мавжуд эмаслиги.
3. Олий таълим тизими сифатини таъминлашда талабаларнинг маънавий, ақлий жиҳатдан камол топишига кўмаклашадиган ижтимоий-сиёсий, ижтимоий-иқтисодий, таҳлилий, маънавий-маърифий, илмий-таълим ҳамда бошқа ахборотлардан кенг кўламда фойдаланишни таъминлаш мақсадида тегишли таълим фанлари бўйича ўқув дастурлари мазмунини такомиллаштиришни, замонавий ахборот технологиялари билан ишлаш малакасини берувчи электрон таълим ресурсларини ўқув курслар орқали ўзлаштиришни ташкиллаштириш механизми ишлаб чиқилди.
4. Оммавий онлайн очиқ курслардан фойдаланишга асос бўладиган электрон таълим ресурсларини ўқув жараёнига тадбиқ этиш масаласи ўрганилди ва тегишли таклифлар ишлаб чиқилди.
5. Очиқ курсларда яратилган электрон таълим ресурсларидан фойдаланиш учун махсус ахборот сайти ўрганилди.
6. Олий таълим тизимида талабаларни ахборот технологияларидан фойдаланган ҳолда нуфузли хорижий ва Республикамиз олий таълим муассасаларида ҳоҳлаган курслари бўйича таълим олиш имконияти мавжуд эканлиги, электрон таълим ресурслари орқали мустақил таълим олишлари асосланди ва механизмлари ишлаб чиқилди.
7. Таълим сифатини таъминлаш жараёни омиллари, хорижий ёндашувлар, нуфузли хорижий университетларнинг концорсуми натижасида ишлаб чиқилган электрон таълим ресурсларидан фойдаланган ҳолда олий таълим тизими сифатини таъминлашдаги ўрни ва аҳамияти, электрон таълим ресурсларини татбиқ этиш бўйича йўлланмалар берилди.
8. Олий таълим сифатини таъминлашда электрон таълим ресурсларидан фойдаланиш бўйича таклифлар ва тавсиялар ишлаб чиқилди.