Илмий кенгаш тошкент вилояти чирчиқ давлат педагогика институти

Тадқиқотнинг республика фан ва технологиялари ривожланишининг асосий устувор йўналишларига мослиги. Мазкур тадқиқот республика фан ва технологиялар ривожланишининг I. “Ахборотлашган жамият ва демократик давлатни ижтимоий, ҳуқуқий, иқтисодий, маданий, маънавий-маърифий ривожлантиришда, инновацион ғоялар тизимини шакллантириш ва уларни амалга ошириш йўллари” устувор йўналиши доирасида бажарилган.
Муаммонинг ўрганилганлик даражаси. Республикамиз олимларидан С.С.Бабаджанов, О.Ғ.Давлатов, Я.У.Исмадияров, А.Х.Махмудов, Д.Г.Мухамедова, Н.А.Муслимов, Ф.Т.Раббимова, Ю.Э.Рахимова, К.Д. Рисқулова, А.Ғ.Эминов ва бошқалар ўқитувчилар касбий компетентлигини ривожлантиришга муносиб ҳисса қўшганлар.
Мустақил давлатлар ҳамдўстлиги (МДҲ) мамлакатлари олимларидан Н.Ю.Масовер, О.М.Шиян, P.M.Юсупова, А.И.Ахулкова, Ю.В.Варданян, Г.С.Вяликова, Р.Х. Гильмеева, Е.В. Гребенюк, О.А. Козырева, Т.А.Крюкова, Н.Л.Московская, А.В.Райцев, Е.А.Садовская, Н.М.Слаутина, П.П.Терехов ва бошқалар томонидан аутопедагогик компетентликнинг ўзига хос хусусиятлари ва уни такомиллаштириш муаммолари тадқиқ этилган. М.В.Болина, Д.В.Голубин, Г.А. Демакова, Е.Ю.Зимина, Е.П. Кузнецова, С.В.Курашева, Е.В.Прозорова, А.А.Базиковалар компетентликнинг илмий-назарий аҳамиятини тадқиқ этганлар.
Европа мамлакатларида K.O.Bauer, В.J.Bastian , W.Helsper, G.Dam, S.Blom, F.Vogt, M.Rogalla, D.S.Rychen, L.H. Salganik, S.Reh, L.Paquay, M.Wagner, B.Koster, J.J.Dengerink каби олимлар бўлажак ўқитувчиларининг методик тайёргарлиги бўйича, M.Schratz, I.Schrittesser, P.Forthuber, G.Pahr, A.Paseka, A.Seel, S.Gifford, D.Hutchinson, L.A.Sundburg ва бошқалар томонидан касбий ва аутопедагогик компетентликни такомиллаштиришнинг турли жиҳатлари ўрганилган.
Тадқиқотнинг диссертация бажарилаётган илмий-тадқиқот муассасасининг илмий-тадқиқот ишлари режалари билан боғлиқлиги. Диссертaция тадқиқоти Тошкент давлат педагогика университети илмий-тадқиқот ишлари режасининг ИТД-1-148 “Касбий таълим мазмунини модернизaциялаш асосида ўқитувчиларнинг касбий компетентлигини шакллантириш технологияси” (2015–2017 йй.) мавзусидаги амалий лойиҳаси доирасида бажарилган.