Ilm ziyo zakovat

Nazarot va muhokama uchun savollar 
1. Iqtisodiy tebranishlarning sabablarini qanday izohlaysiz?
2. Ishsizlikning qanday turlari mavjud? Ishsizlik darajasi qanday aniqlanadi?
3. Ishsizlikning tabiiy darajasi, ish bilan to‛liq bandlilik tushunchalariga 
tavsif bering.
4. Ouken qonuning mohiyatini tushuntirib bering.
5. Inflyatsiyaning mohiyati faqatgina muomaladagi pul massasining 
ortiqchaligi bilan izohlanishi to‛g‛rimi?
6. Inflyatsiyani tushuntirib berishga keynchilarning va neoklassiklarning 
yondoshuvlari qanday farq qiladi?
7. Inflyatsiyaning ijtimoiy – iqtisodiy oqibatlari qanday?
8. Talab inflyatsiyasi qanday sodir bo‛ladi?

---

163 
9. Taklif inflyatsiyasiga izoh bering?
10.Fillips egri chizig‛i qaysi ko‛rsatkichlar o‛rtasidagi bog‛liqlikni 
ko‛rsatadi? Bu bog‛liqlik qanday tavsiflanadi?
 
10. DAVLAT TOMONIDAN IQTISODIYOTNI TARTIBGA SOLISH 
 
10.1 Iqtisodiyotni tartibga solishda davlat ishtroki tavsifi va darajasini 
o‛zgarishi 
Zamonaviy iqtisodiy tizimlar mohiyatan aralashdir. Turli davrlarda hukumat 
va bozor har qanday jamiyat oldida turgan asosiy vazifalarni bajarishni o‛zaro 
taqsimlaydilar va turli xil iqtisodiy tizimlar bir-biridan ushbu vazifalarning 
bajarilish nisbati bilan ajralib turadi. 
Iqtisodiyotga davlatning aralashuvi muammolari bo‛yicha turli xil iqtisodiy 
maktablar o‛rtasida uzoq yillik ilmiy tortishuvlar mavjud, ammo ularning hech 
biri davlat aralashuvini to‛liq inkor etmaydi. Nizolar faqat aralashuvning 
chegaralari va shakllari haqida boradi. 
Davlatning roli ahamiyatsiz bo‛lgan davrlar ham bo‛lgan. XX asrning 30-
yillarida tub inqilob sodir bo‛ldi: davlat iqtisodiyotga aralashuvi doirasini 
sezilarli darajada kengaytirdi va tizimli makroiqtisodiy tartibga solishni 
boshladi. 
Iqtisodiyotni tartibga solish bu- tabiiy, moddiy, mehnat, moliyaviy, 
intellektual va boshqa resurslarni jamiyatning hozirgi bosqichdagi ehtiyojlariga 
muvofiq taqsimlash mexanizmlari va jarayonlari to‛plamidir. 
Iqtisodiyotni tartibga solishning turli xil modellari mavjud.