745
Тоғ ортида қуёш кўринди. Қип-қизил
саратон
қуёши. Мулойим жилмайиб саховат билан нур
соча бошлади. Ҳар куни шунақа бўлади.
Офтоб
ҳар куни кулимсираб уйғонадию одамларга нур
улашади. «Мен
борман-ку, бир киприк қоқгулик
қисқагина умрингда тинч-тотув яшасаларинг бўл-
майдими?» деётганга ўхшайди. Қуёш ҳар куни уй-
ғонган заҳоти шунақа дейди. Одамлар унинг гапи-
га тушунмайди. Уруш қилади, бир-бирини ўлдира-
ди. Гўё ўша уруш аммамни Кимсан акамдан жудо
қилмагандек. Гўё юз ёшни қоралаб қолган оқсоқол
бува, мункиллаб қолган аммам ҳалиям фарзанд
доғида куймаётгандек. Гўё ўша
уруш эллик мил-
лион одамнинг ёстиғини қуритганига қаноат қил-
май, ўзи тамом бўлганидан кейин дунёга келган
Мунавварнинг, бегуноҳ Мунавварнинг ҳам жони-
га чанг солмагандек. Гўё мен Мунавварнинг «сенга
нима ёмонлик қилдим», деган ҳайратли хитоб қо-
тиб қолган кўзларини, қоп-қора маъсум кўзлари-
ни унутишим мумкиндек... Ўн икки йилдан бери
азобдан қутула олмаганим, бундан кейин ҳам қу-
тула олмаслигим учун мен айбдордек.
Қуёш ҳар куни уйғонган заҳоти жилмайиб боқа-
дию унсиз хитоб қилади: «Бир киприк қоқгулик
қисқагина умрингизда
тинч-тотув яшасаларинг
бўлмайдими? Гоҳ нон талашасизлар, гоҳ шон! Гоҳ
макон талашасизлар, гоҳ имон? Ахир ҳаммангиз
инсонсиз-ку. Ҳаммангиз менинг болаларимсиз-ку,
мен сизларнинг отангизман-ку.
Бир-бирларинг
билан қирпичоқ бўлаверишларингни кўриб чар-
чаб кетдим-ку! Етар ахир, етар, болажонларим! Ўз
онангизни – Ер куррасини адойи тамом қилиб тин-
чимоқчимисиз?! Онангиз шу умидда туққанмиди
сизни?! Шу ниятда кўтариб юрибдими кўксида!»
746
Қуёш ҳар куни шундай деб илтижо қилади.
Аммо одамлар унинг ҳайқириғини эшитмайди.
Бир-бирига чоҳ қазийди. Бир-бирининг кўзига
чўп солади, хиёнат қилади.
Дунё нега бунақа? Оқсоқол бува айтган – ҳаёт
иморатидан ғишт қўпориб олишга уринадиган
кимсалар нега ҳалиям бор?!
Автобус бир зумда бўшаб қолди.
...Озғин шофёр зиналардан пилдириб чиқиб, са-
лонга кирди.
– Ие, ҳалиям ўтирибсизми, меҳмон? Чаққон қи-
мирламасангиз кеч қоласиз. Марҳумани чиқариш-
масидан етиб боринг-да... Такси тўхтатиб берайми?
Тиззамда ётган тугунни кўтариб секин ўрним-
дан турдим. Шимимнинг чўнтагига қўл суқсам, те-
леграмма илашиб чиқди. Кўк ҳошияли, «Шошилинч
телеграмма». Қизиқ, вокзал узоқмикин? У ёғи ўишт-
кўприккача бир қадам... Шуни ўйлашим билан қор
босган каталакдек ҳовли, чақмоқ телпакли киши кўз
олдимга келди. Ҳаёт иморатини бузадиганлардан
биттаси... Ўша заҳоти хаёлимда Мунаввар жонлан-
ди. «Нега унақа қилдинг мени, гуноҳим нима?» де-
гандек бир нуқтага тикилиб ётган Мунаввар...
...Автобусдан тушишга оёғим тортмас, Тош-
кентга, ўз жамоамга қайтгим, Икром аканинг «ту-
давой-судавой» деб шанғиллаб гапиришини эшит-
гим келарди.
Do'stlaringiz bilan baham: