Iii qism. Musiqa asarlari tahlili 1-mavzu. Musiqiy shakl va uning umumiy asoslari

IV.Ikkilik variatsiyalar. Ikki mavzuga variatsiya ikkilik variatsiya deb ataladi. Odatda, bu bir-biri bilan tafovutlanadigan va bir-birini tо‘ldiradigan obrazlardir.
Ikkilik variatsiyalar Vena klassiklari ijodida uchraydi va mavzularni navbat bilan bayon qilish hamda izchil variatsiyalash (a+b+a₁+b₁+a₂+b₂) tamoyili asosida tuziladi.
Gaydnning Es-dur (Paukenwirbel)) simfoniyasidan variatsiyalar ikkilik variatsiyalarga tipik misol bо‘la oladi. Bu holda avval boshida ikki mavzu (c-moll va C-dur), keyin mavuzalarning har biriga ikkitadan variatsiya bayon qilinadi.
Ikkilik variatsiyalar tamoyili boshqa kompozitsion tamoyillar bilan bog‘langan holda qо‘llanadi. Masalan, Betxovenning №5 simfoniyasidan Andanteda avval boshida izchillik bilan о‘tkazilgan ikkilik variatsiya tamoyili oxirida erkin rivojlantirish bilan birlashtiriladi. Bu qismda lirik-falsafiy xarakterdagi va qahramonlik-marsh xarakteridagi ikkita mavzu (A + B + A₁ + B₁+A₂+A₃ rivojlantirish bilan + CV₂A₄ +о‘tish+A₅+Koda) taqqoslanadi.