Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

ШНЄ 2.01.02-04 бўйича функционал ёнғин хавфига кўра биноларнинг таснифи. /15/

Бино ва иншоотларнинг ёнғин хавфлилиги бўйича тавсифланиши. Янги меъёрий ҳужжатга асосан хоналарнинг таснифи.
Бино ва бино қисми - хонасининг қисми ёки хона гуруҳлари функционал ёнғин хавфи бўйича бир-бирига боғлиқ ҳолда ва уларни қўллаш усулига кўра ҳамда улардаги одамларни хавфсизлигига таҳдид солувчи ҳолатлар, яъни уларни ёшини, жисмоний ҳолатини, уйқу вақтидалигини асосий функционал контингент тури ва миқдорини ҳисобга олган ҳолда синфларга бўлинади:
Ф 1. Одамларни доимий яшаши ва вақтинчалик ( шу жумладан кечаю-кундуз) бўлиши учун (бу бинолар хоналаридан, одатда кечаю-кундуз фойдаланилади, булардаги одамлар контингенти турли ёшда ва жисмоний ҳолатда бўлишлари мумкин, бу биноларга ётоқхоналар бўлиши хос).
Ф 1.1. Болаларнинг мактабгача муассасалари, қариялар ва ногиронлар уйлари, касалхоналар, мактаб-интернатлар ётоқ бинолари ва болалар муассасалари.
Ф 1.2. Меҳмонхоналар, ётоқхоналар, санаторий ва умумий турдаги дам олиш уйлари, кемпинглар, отеллар ва пансионатлар ётоқ корпуслари.
Ф 1.3. Кўп хонадонли яшаш жойлар.
Ф 1.4. Бир хонадонли, шу жумладан бириктирилган яшаш жойлар.
Ф 2. Томоша ва маданий- маърифий муассасалари (бу биноларда асосий хоналар, маълум вақт давомида ташриф қилувчиларининг оммавий келиб кетиши билан ўзига хос).
Ф 2.1. Театрлар, кинотеатрлар, концерт заллар, клублар,истироҳат боғлари, спорт иншоотлари минбарлари билан, кутубхоналар ва бошқа муассасалар, ёпиқ биноларда ташриф буюрувчилар учун ҳисобли ўриндиқлар сони билан .
Ф 2.2. Музейлар, кўргазмалар, рақс заллари ва бошқа шунга ўхшаш ёпиқ хоналардаги муассасалар.
Ф 2.3. Ф 2.1. да кўрсатилган муассасалар очиқ ҳавода.
Ф 2.4. Ф 2.2. да кўрсатилган муассасалар очиқ ҳавода.
Ф 3. Аҳолига хизмат кўрсатиш корхоналари (бу корхоналарнинг хоналарида ишловчиларга караганда келувчилар сони кўплиги билан ўзига хос).