Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Портлаш хавфи бор концентрацияларнинг ҳосил бўлишини йўқотиш мақсадида қуйидагилар назарда (эътиборда) тутилади:

• 
  қуритиш камераларидаги буғлар концентрациясини текширишга олиш ёки стационар газанализаторлар ёрдамида назорат қилиш;
  
• 
  белгиланган ҳароратни иссиқлик ташувчи миқдори ҳисобига ўзгаришини автоматик бошқариш;
  
• 
  вентилятор тўхтаб қолганда, қуритиш жойига қуритилувчи материал юборилишини тўхтатиш ва иситиш системасини ўчиришни таъминлайдиган автоблокировка ўрнатиш.
  

Конвектив қуритиш жараёнларида ёндириш манбаи бўлиб ишқаланиш ва урилиш натижасида ҳосил бўладиган учқунлар, қуритилаётган материаллар ва улар чиқиндисининг қизиб кетиши ва алангаланиши, калориферларга (ҳавони иситиш, тозалаш ва қуритиш учун қўлланиладиган асбоб) қуритилаётган материал ва унинг чиқиндилари тегиб қолганида ўз ўзидан ёниб кетиши, шунингдек статик электр зарядларнинг разрядланиши натижасида ҳосил бўладиган учқунлар мисол бўлиши мумкин.
Тутун газлари ёрдамида қуритиш жойларида ёнилғининг тўлиқ ёниб (битмагани) тугамагани натижасида учқунлар қуритиш камерасига тушиши мумкин. Тўхтовсиз ишлайдиган қуритиш жараёнларида транспорт қурилмалари тўхтаб қолганида қуритилаётган материал иссиқлик манбаининг узоқ таъсири натижасида ўз-ўзидан алангаланади.
Ёнғини олдини олиш чоралари қуйидагиларни назарда тутади:

• 
  транспорт қурилмалари тўхтаб қолганида уларнинг ҳаракат тезлиги камайганда, иситиш мосламаларнинг ўчирилишини таъминлайдиган автоматик блокировка ўрнатишни;
  
• 
  нормал ҳарорат тартибини ушлаб турувчи ҳароратни автоматик бошқарувчи мосламаларни ўрнатишни;
  
• 
  ўз-ўзидан ёниб кетиш қобилиятига эга бўлган чанг ва чиқиндиларини тозалашни;
  
• 
  вентилятор, ҳаракатланувчи лента (транспортёр), барабанлар валини ўрашда ишқаланиш иссиқлигининг ажралиши, учқунларнинг ҳосил бўлишига йўл қўймасликни;
  
• 
  калорифер (ҳавони иситиш, тозалаш ва қуритиш учун қўлланиладиган асбоб) нинг иситувчи юзасига ёнувчи моддаларнинг тушишига йўл қўймасликни;
  
• 
  диэлектрикларни қуритиш давомида ҳосил бўлган электростатик зарядларни йўқотиш учун қуритиш жойларидаги металл элементларни ерга улашни.
  

Қуритиш жараёнларида ёнғининг кучайиш ва тарқалишига ёнувчи моддаларнинг кўп миқдорда бўлиши, вентиляцион мослама, транспорт қурилмалари, девордаги технологик тешиклар ёрдам беради. Шу сабабли ёнғиннинг олдини олиш чоралари қуйидагиларни назарда тутади:

• 
  қуритиш цехларини қуритилаётган материаллар билан тўлдириб юбормаслик; ҳар бир қуритиш жойи учун нормада белгиланган миқдордаги материал бериш белгилаб қўйилади;
  
• 
  қуритиш камераларини цехнинг вентиляция системаси билан уланмаган мустақил вентиляция мосламалари билан жиҳозлаш;
  
• 
  вентиляция жиҳозларидан ёнувчи конденсат ва чанг қолдиқларини йўқотиш; ҳаво чиқарувчи йўлакларни чанг ва бошқа қолдиқлардан тозалаш.
  

43.