Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Қишлоқ хўжалигида ишлатиладиган иссиқлик ишлаб чиқарувчи қурилмаларнинг ёнғин хавфсизлиги

/3; 10; 11; 14; 21; 23; 24/
Қишлоқ хўжалигида ишлатиладиган иссиқлик ишлаб чиқарувчи қурилмалар ҳақида умумий тушунча. Иссиқлик генерация ускуналарининг ишлаш принципи. Уларнинг ёнғин хавфи ва ёнғин хавфсизлиги бўйича қўлланиладиган техник ечимлар.
Қишлоқ хўжалигида ем тайёрлаш хонаси, комбикорма цехи, иссиқ сув (буғ) олиш жиҳозлари, қуритиш ва ҳ.к.ларда иссиқлик генерация ускуналари қўлланилади. ИГУ иссиқлик печларидан фарқи катта ҳажмдаги хоналарни иситиш, ёнилғи узатиш тизимини автоматлаштирилгани ва уни бошқариш имконини мавжудлиги ишлаб чиқариш, чорвачилик ва бошқа хоналарда юқори маданиятли иш шароитини ҳамда санитария-гигиена шароитларини яхшилаш имконини беришидир.
Ҳар қандай иссиқлик генератори иссиқлик блоки (ёниш ўчоғи) ва юзадаги ҳалқали иссиқлик алмашувчи бўлимидан ташкил топади. Иссиқлик генераторида ИГ суюқ (газсимон) ёнилғини ёқиш учун форсунка (горелка) мавжуд. Ёнилғининг ёниш иссиқлиги ҳисобига иссиқлик алмашувчи бўлимда вентилятор билан берилаётган ҳаво иситилади.
Буғли қозонлар. Емни буғлаш, хонани иситиш, сувни иситиш учун ёниш ўчоғи горизонтал жойлаштирилган КВ туридаги буғли қозонлар ишлатилади. Уларни барчаси бирқувурли, цилиндр шаклли, бир бирини устига ўрнатилган ва флянец ҳамда фронтал плита билан уланган иккита турли диаметрга эга бўлган металл гардишдан иборат. Қайнаш камераси ва қобиқ ички қисми сув билан тўлдирилади. Ички цилиндрда ўчоқ ёки қайнаш камераси бўлади.
Иссиқлик генераторлари ИГ ва сув иситиш қозонларини КВ ёнғин хавфи икки хил вазият билан белгиланади: ўзининг ёнилғи тизимининг мавжудлиги, сув ва ҳавони иситиш учун очиқ оловдан фойдаланиш.
Иссиқлик генераторлари ИГ ва сув иситиш қозонларидан фойдаланишда ёниш ўчоғида портлаш ва коммуникациядаги носозлик, ёнилғини тўкилиши ёки газни ташқарига чиқиши натижасида ёнғин содир бўлиши мумкин. Бундан ташқари учқунларни енгил ёнувчи материалларга тушиши, ёнувчи конструкцияларни юқори ҳароратли юзаларга (тутун мўриси), агрегат ва қозонларга яқин туриши ёки уларга тегиши оқибатида ҳам ёнғинлар келиб чиқиши мумкин.
Хавфсизлик чоралари: 1. Ёнилғи узатиш тизимини доимий равишда назорат остида ушлаб туриш; 2. Форсунка ва ўчоқларни ёқишда хавфсизлик талабларига қатъий риоя этиш; 3. Учқун пайдо бўлиши устидан назорат ўрнатиш, ҳамда учқуннинг бино конструкцияларига ва ёнувчи материалларга тушишини олдини олиш; 4. Аппарат газланиб қолганда, ҳаво келиши тўхтаб қолганда, аланга ўчиб қолганда, ёнилғининг келиши тўхтаб қолганда ва бошқа фавқулодда ҳолатларда автоматик сигнал бериш ускуналарининг созлигини текшириб туриш керак.

34.