Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Ёнғинга қарши сув таъминоти тизими лойиҳаларини

экспертиза қилиш /2; 4; 6/
Ёнғинга қарши сув таъминоти тизими лойиҳалари қайси ҳолларда ва қандай кетма-кетликда экспертизадан ўтказилади (лойиҳалаш муассасаларини текшириш, консультатив саволларни ечиш, объектларни фойдаланишга қабул қилиш, ишлаб турган объектларни текшириш).
Одатда ҳар қандай лойиҳа бир неча бўлимлардан (қисмлардан) ташкил топади. Баъзан ўта ёнғинга хавфли корхоналарни қуриш лойиҳаларида мустақил ёнғинга қарши сув таъминоти бўлими мавжуд бўлади.
Лойиҳаларни кўриб чиқиш, яъни экспертиза қилиш ДЁН идоралари ишининг муҳим ва ўта жавобгар қисмидан биридир. Уларга лойиҳаларни экспертиза қилиш ҳуқуқини Ўзбекистон Республикаси Вазирлар маҳкамасининг 17 май 1993 йилдаги 227-сонли қарори билан тасдиқланган «Ўзбекистон Республикасида Давлат ёнғин назорати тўғрисидаги Низом» беради. Шунингдек Ўзбекистон Республикаси ИИВнинг 22 сентябр 1993 йилдаги 344-сонли буйруғи билан тасдиқланган «Давлат ёнғин назорати идоралари ишларини ташкил этиш бўйича йўриқнома»га асосланиб иш олиб борилади.
Бундан ташқари сув таъминоти тизими бўйича ҳозирда ишлаб турган ҚМҚ 2.04.02-97, ҚМҚ 2.04.01-98 ҳамда «Қурилиши тугалланган объектларни фойдаланишга қабул қилиш» бўйича ҚМҚ 3.01.04-99 ва бошқа меъёрий ҳужжатлардан фойдаланадилар.
Ёнғинга қарши сув таъминоти лойиҳалари бошқа лойиҳалар каби ДЁН идоралари томонидан амалдаги қонунлар асосида қуйидаги ҳолатларда кўриб чиқилади:

• 
  лойиҳалаш идораларининг ишлаб чиқаётган лойиҳаларида ёнғин хавфсизлиги қоидаларига риоя қилиш қилмаслигини текширишда;
  
• 
  консультатив саволларни ечишда;
  
• 
  янги объектларни фойдаланишга қабул қилиш ва ишлаб турганларини кўздан кечиришда (при обследовании).
  

Ёнғинга қарши сув таъминоти тизими лойиҳаларининг экспертизасини сув манбаидан ёки сув олиш иншоотидан бошлаб сув ҳаракати йўналиши бўйлаб истеъмолчиларгача олиб бориш мақсадга мувофиқ бўлади.
Бунда ҳар бир кўрилган савол кейингиси учун асос бўлиши лозим.

24.