Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Ички сув узатиш тармоқларида ёнғин ўчириш жўмракларининг жойлашиши ва жиҳозланиши

/2; 4; 6/
Ёнғин ўчириш жўмракларининг жойлашиши ва жиҳозланишига ҚМҚ томонидан қўйиладиган талаблар. Ёнғин ўчириш жўмраклари хона полидан 1,35 м баландликда ўрнатилади.
ҚМҚ 2.04.01–98 нинг 6.5 бандида ички ёнғинга қарши сув узатиш тармоғи қурилиши кўзда тутилмайдиган объектлар рўйхати келтирилган. Бундай объектларда ички ёнғинга қарши сув узатиш тармоғини мустасно тариқасида иқтисодий асослаш ва ёнғин хавфсизлиги идоралари рухсати билан қуриш мумкин.
Биноларда ички ёнғин ўчириш жўмраклари ҚМҚ 2.04.01–98 нинг 6.13 бандига асосан полдан 1,35 метр баландликда, чиқиш жойларида, иситиладиган зина майдончаларида (6.16 бандида), вестибюлларда, коридорларда ва бошқа енгил олиш имкони бўлган жойларда ўрнатиладилар. Бунда уларнинг жойлашиши одамларни эвакуация қилишда халақит бермаслиги лозим.
Ёнғин ўчириш жўмраклари махсус шкафчаларда жойлаштирилади, шамоллатиб туриш учун туйнук бўлиши, муҳрланган ва бузмасдан кўриш имкони бўлиши шарт. ҚМҚ 2.04.01–98 нинг 6.13 бандига кўра жуфтланган ёнғин ўчириш жўмраклари устма-уст жойлаштирилишига рухсат этилади, бунда пастгиси полдан энг камида 1 метр баландда бўлиши лозим.
ҚМҚ 2.04.01–98 нинг 6.13 бандига асосан ишлаб чиқариш, ёрдамчи ва жамоа бинолари ёнғин ўчириш шкафларида иккита қўл ёнғин ўчиргичларни жойлаштириш имкони бўлиши лозим. Ҳар бир жўмрак ўзи билан бир хил диаметрдаги узунлиги 10, 15 ва 20 метр бўлган енг ва дастак билан жиҳозланган бўлиши шарт.
Агар ёнғин ўчиришга узатиладиган оқим сув сарфи 4 л/с бўлса, диаметри 50 мм бўлган, бордию 4 л/с дан ортиқ бўлса 65 мм бўлган жўмрак қабул қилинади (ҚМҚ 2.04.01–98 нинг 6.8 банди, 2-эслатма).
Ёнғин ўчириш тик қувурларининг (стоякларининг) ҳамда жўмракларнинг ўрнатиладиган жойи ва сони ҚМҚ 2.04.01–98 нинг 6.12 бандига асосан аниқланади. Унга кўра коридорининг узунлиги 10 метрдан катта бўлган аҳоли яшаш биноларида, ҳамда ишлаб чиқариш ва жамоа биноларида ҳисобий оқимлар сони икки ва ундан ортиқ бўлганда хонанинг ҳар бир нуқтаси иккита оқим билан (икки қўшни стоякдан биттадан) суғорилиши шарт.
Ёнғинга қарши ёки бирлашган ички сув таъминоти тармоғида ёнғин ўчириш жўмраклари сони 12 дан ортиқ бўлса у ҳалқасимон қилиб ёки киришлар ҳалқаланган қилиб қурилади. Ҳалқасимон тармоқларда таъмир беркитиш мосламалари шундай ўрнатиладики, унда фалокат юз берганда сувсиз қоладиган ёнғин ўчириш жўмраклари сони 5 тадан ошмаслиги керак.
Бирлашган ёнғинга қарши сув узатиш тармоғида ўрнатилган ёнғин ўчириш жўмраклари 12 тадан ортиқ бўлса, тармоқ энг камида иккита кириш қувурига эга бўлиши лозим. Ички ёнғинга қарши ва бирлашган ёнғинга қарши сув узатиш тармоғи пўлат қувурлардан тортилади.

16.