Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Ички сув узатиш тармоғи тоифалари ва асосий элементлари

/2; 4; 6/
Хўжалик-ичимлик, ишлаб чиқариш, ёнғинга қарши, бирлашган тармоқлар. Кириш қувури, сув ўлчаш буғини, магистрал қувур, тарқатувчи тик қувур, сув олиш анжомлари, ёнғин ўчириш жўмраклари ва ҳ.к.
Ташқи сув манбаидан талаб қилинган босимда сувни истеъмолчига узатиш учун хизмат қилувчи инженер техник иншоотлар тизими ички водопровод (сув узатиш) тармоғи дейилади.
Ички сув узатиш тармоғи қуйидаги тоифаларга бўлинади:
- сув олиш жўмракларига ва хўжалик маиший жиҳозларга сув узатувчи хўжалик-ичимлик;
- технологик мақсадларга (эҳтиёж учун) сув узатувчи ишлаб чиқариш;
- бинонинг ичида ёнғинларни ўчириш учун сув етказиб берувчи ёнғинга қарши;
- бирлашган: хўжалик ишлаб чиқариш; хўжалик ишлаб чиқариш ёнғинга қарши.
Ички сув узатиш тизимини танлаш биноларнинг вазифаси ва баландлигига, санитар гигиеник ва ёнғинга қарши талабларга, технологик жараёнга ва техник-иқтисодий мақсадга мувофиқлигига боғлиқ ҳолда бажарилади.
Масалан технологик эҳтиёжларига ичимлик суви талаб қилинадиган корхоналарда ва ишлаб чиқариш мақсадларида кам сув сарфланадиган корхоналарда бирлашган хўжалик ишлаб чиқариш ёнғинга қарши сув узатиш тармоғи қурилади (масалан, озиқ-овқат саноати корхоналарида). Алоҳида хўжалик ёнғинга қарши ва алоҳида ишлаб чиқариш сув таъминоти тизимлари технологик мақсадларда катта миқдордаги сувни кичик босимда узатиш лозим бўлган ҳолларда қурилади. Ички сув узатиш тармоғи қуйидаги асосий элементлардан ташкил топган.
Бинога сув келтирувчи (ввод) – ташқи тармоқдан ички магистрал тармоққача (одатда сув ўлчагичгача) бўлган қувур бўлиб, у сувни ташқи тармоқдан бино ичига узатиш учун хизмат қилади.
Сув ўлчаш бўғини – истеъмол қилинаётган сув миқдорини ҳисоблаш учун хизмат қилувчи сув ўлчагич арматуралари билан.
Магистрал қувурлар – тақсимловчи қувурларга (стояк) сув етказиб бериш учун хизмат қилади.
Тақсимловчи қувурлар – сувни бинонинг қаватлари бўйлаб сув олиш нуқталарига етказиб бериш учун хизмат қилади.
Юқорида санаб ўтилган асосий элементлардан ташқари ташқи тармоқда босим етарли бўлмаганда ички водопровод босимли сув баки, насослар ва пневматик ускуналар билан ҳам жиҳозланиши мумкин. Ички водопровод тармоғи қувурлари беркитиш-ростлаш арматуралари билан жиҳозланадилар.

16.