Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

7. Маҳаллий сўрма қурилмалар ва уларнинг ёнғин хавфлилиги.
/4; 13; 17; 24/
Зарарли ёнувчан газлар, буғ ва чанг, қаттиқ ёнувчан моддаларнинг чиқиндилари кўп миқдорда ҳосил бўладиган манбалар. Зарарли моддалар (чанг, газ ва бошқа) ҳосил бўлиш жойлари. Тортувчи зонтлар. Сўриш шкафлари. Камералар ва бортдаги сўриб чиқаргичлар.
Ишлаб чиқариш корхоналарида, лаборатория ва бошқа хоналарида одам саломатлиги учун зарарли бўлган ёнувчан газ, буғ ҳамда қаттиқ ёнувчи материал чиқиндиларининг манбалари тез-тез учраб туради. Хоналарга зарарли моддаларнинг тарқалишини чегаралаш учун ишлаб чиқариш жойларида маҳаллий ҳаво сўргичлар қўлланилади.
Маҳаллий сўрма тизимларнинг асосий қурилмаларига қуйидагилар киради:

• 
  заҳарли газ, буғ, чанг ва чиқиндиларни сўриш туйнуклари;
  

- ҳаво ўтказгич қувурлари;

• 
  электродвигатель билан тортиш вентилятори ва ифлос ҳавони атмосферага чиқаришга мўлжалланган қурилма жойлашадиган тортиш камераси;
  
• 
  тортиш шахтаси;
  
• 
  клапан ва қалпоқлар.
  

Тортувчи зонтлар. Қизиган ускуналардан ажралиб чиқаётган ёнувчи буғлар ва газларни, ёки ҳаводан енгил бўлган ёнувчи газларни чиқаришда тортувчи зонтларни кўллаш мумкин.
Зонтни очилиш бурчагини 60 ⁰ ошмайдиган қилиб қабул қилиш зарур. Бундай очилишда зонт пастининг четида газлар оқимининг тезлигини вертикал ташкил этувчининг пасайиши рўй бермайди, бундан келиб чиққан ҳолда зонт пастидан бу газларни чиқиб кетиши ҳам рўй бермайди.
Зарарли моддаларни тўлиқроқ тутиб қолувчи барча сўрғичлар ичида зонтлар бир мунча мукаммал ҳисобланади. Эшик ва деразаларни очилишида хонада ҳосил бўладиган ҳавонинг ташкиллаштирилмаган оқимлари зонтни ишлашини осонлик билан бузиши мумкин. Шунинг учун булар ҳосил бўлиши мумкин бўлган жойларда зонтларни осилтириб қўйиладиган қайтарма ғилофлар (фартуклар) билан таъминлаш зарур.
Ёнувчи газларни ва буғларни тутиб қолиш учун зонтлардан тортиш қоида бўйича вентиляторлар ёрдамида амалга оширилиши керак. Агарда гравитацион босим ҳисобига чиқариб ташланадиган газларнинг талаб этиладиган сарфи йилнинг исталган вақтида таъминланадиган бўлса, унда бинонинг томидаги тортувчи қувур дефлектор билан таъминланиши керак.