Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Бўёқлаш жараёнлари. Юқори кучланишли электр майдонида бўёқлаш жараёнининг ёнғин хавфсизлиги

/1; 2; 3; 10; 11; 17; 21; 23; 24/
Бўёқлаш жараёнлари ҳақида умумий тушунча. Бўёқлаш жараёнларининг турлари. Лак-бўёқ материалларини пуркаш ёрдамида бўёқлашнинг турлари. Юқори кучланишли электр майдонида бўёқлаш жараёни, унинг ёнғин хавфи ва хавфсизлик чоралари.
Юқори кучланишдаги электр майдонида бўёқлаш. Бу усулда бўёқ беришда сепилган бўёқ зарралари юқори кучланишдаги электр майдонида электролизацияланиб мусбат электродга тортилади, яъни бўялаётган маҳсулот мусбат, пуркагич манфий зарядга эга бўлади ва кам сарф билан маҳсулот юзасига бир текисда қопланади.
Бу усул бўёқнинг сифатли қопланиши билан, юқори унумдорлиги ва жараённи автоматлаштиришда иқтисодий имконият мавжудлиги билан тавсифланади.
Юқори кучланишдаги электр майдонида бўяш ускуналарига қуйидагилар киради: юқори қувватли тўғрилагич (выпрямитель) жиҳоз, пуркагич ўрнатилган бўяш камераси, қуритиш камераси, ҳаво алмаштириш тизими ва бошқариш пульти.
Токни тўғрилагич, юқори кучланишдаги ўзгармас токни (130 кВ) доимий равишда олиш имконни беради. Манфий қутб тўғрилагичдан пуркагичга, мусбат қутб ерга ва бўялаётган маҳсулотга уланади. Электр майдонида бўяшда ЛБМ пневматик, электрмеханик ёки электростатик пурковчилар ёрдамида сепилади.
Бўёқни электрмеханик сепишда марказдан қочма пуркагичлар ишлатилади. ЛБМ пуркагичнинг учида минутига 1200-1500 тезликда айланаётган дискнинг марказидан берилади. Бўёқни чанглатиш марказдан қочма куч ва юқори кучланиш электр майдони ҳисобига юз беради. Бу усул бўёқнинг сарфини камайтиради.
Бу усул асосан қийин конфигурацияга эга бўлмаган текис юзаларни беришда қўлланилади.
Электр майдонида темир, ёғоч, пластмасса, резина маҳсулотларига бўёқ берилади.

42. 
    Қуритиш жараёнлари. Конвектив қуритгичлар. Ёнғин хавфи. Хавфсизлик чоралари /1; 3; 10; 11; 12; 13; 21; 23; 24/
    

Намлик деганда нима тушунилади? Қуритиш деб нимага айтилади? Қуритиш жараёнларининг тури. Конвектив қуритиш жараёнининг ёнғин хавфи ва уларда ёнғин чиқиб кетишининг олдини олиш чоралари.
Қуритиш деб, қаттиқ материаллардан (жисмлардан) ҳосил бўлган буғ ва намликни иссиқлик жараёнида буғланиши йўли билан чиқиб кетишига айтилади. Материаллардаги намликни механик усул билан ҳам йўқотиш мумкин, масалан сиқиш йўли билан, тиндириш йўли билан марказдан қочирма куч таъсири остида (центрофугирование). Аммо намликни тўлиқ йўқотиб юбориш иссиқлик таъсирида қуритиш жараёнида амалга оширилади.
Намлик деганда материал таркибида бўлган ҳар қандай суюқликни тушунилади.
Конвектив қуритиш жараёнлари. Ишлаб чиқаришнинг технологик жараёнларида булар жуда кўп тарқалган.
Конвектив қуритиш жараёнлари, қуритилиши лозим бўлган материалнинг қуритиш агенти (мосламаси) билан бевосита тегиши натижасида амалга оширилади. Иссиқлик ташувчи сифатида иситилган ҳаво, қизиган ёниш натижасида ҳосил бўлган газларнинг ҳаво билан аралашмаси, инерт газлар, иситилган сув буғлари ва бошқалар ишлатилади.
Конвектив қуритиш жараёнларининг ёнғин хавфига аввалам бор ишлатиладиган моддаларнинг ёнғин хавфи хоссалари, қуритиш жараёнида ёнувчи муҳитнинг мавжудлиги ва нормал ишлаш тартибининг бузилиши оқибатида портлаш хавфи мавжуд буғ-ҳаво концентрациясининг ҳосил бўлиши мумкинлиги киради.