Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Бўёқлаш жараёнлари. Жисмни ботириб олиш йўли билан бўёқлаш жараёнининг ёнғин хавфсизлиги

/1; 2; 3; 10; 11; 17; 21; 23; 24/
Бўёқлаш жараёнлари ҳақида умумий тушунча. Бўёқлаш жараёнларининг турлари. Жисмни ботириб олиш ва устидан қуйиш йўли билан бўёқлаш жараёни, унинг ёнғин хавфи ва хавфсизлик чоралари.
Буюмни бўктириб олиш ва унинг устидан қуйиш усули орқали бўяш – бўёқ бериш жараённинг автоматизация қилиниши натижасида асосан ЛБМни буюм устидан қуйиш ёки бўктириб олиш йўли билан бажарилади. Бу усулдаги бўёқ бериш асосан автомобилсозлик, ускунасозлик ва қишлоқ хўжалиги машинасозлиги тармоқларида қўлланилади.
Бу усулда кўтарма механизмлар ёрдамида маҳсулот ЛБМ тўлдирилган ваннага бўктириб олинади ёки унинг устидан ЛБМни қуйиш орқали бажарилади. Маҳсулот кўп миқдорда ёки доимий равишда ишлаб чиқарилса маҳсулотлар ваннага конвейер орқали бўктириб олинади, ванналар эса бўяш камераларига жойлаштирилади. Бўктириб ёки устидан ЛБМ қуйилган маҳсулот эритувчи буғлари бўлган камерага ёки туннелга юборилади, у ерда ортиқча бўёқлар оқиб тушади ва қолган бўёқ юза устини бир текисда қоплайди.
Афзаллиги: ЛБМ сарфи қисқаради, конвейерни қўллаш имкони мавжудлиги, жараённи автоматлаштириш учун, ҳамда ёнғиндан ҳимоялашни автоматлаштириш учун хам қулай имконият яратилганлиги.
Камчиликлари: ёнғиннинг тез тарқалиши, эритувчиларни катта майдондан буғланиши ва ишлаб чиқариш хоналарида ёниш-портлаш концентрациясини ҳосил қилиши.
Ёнғин хавфи:
- бўёқ ванналари ва бўёқланган юзалардан ёнувчи моддаларнинг буғланиши ва ёнувчан фазо ҳосил қилиши;
- бўёқ қолдиқларининг цехларда ва шамоллатиш тизими қувурларида ўз-ўзидан ёниши;
- ёнғиннинг шамоллатиш тизими, конвейер, тўкилган бўёқ қолдиқлари, ёнувчан фазо бўйлаб тез тарқалиши.
Хавфсизлик чоралари:
- ҳаво алмаштириш тизимининг мавжудлиги ва соз ҳолда бўлиши;
- ҳаво алмашиниш тизимини бўёқ бериш тизими билан блокировка қилиш;
- хонага хавфли концентрация ҳақида хабар бериш тизимини ўрнатиш;
- бўёқлаш камерасидаги буғлар концентрациясини автоматик равишда назорат қилиш;
- ЛБМни бўёқлаш учун қувурлар орқали марказлаштирилган ҳолда етказиб бериш;
- ёнувчи газларни, буғларни сўрувчи вентиляторлар урилганда учқун чиқармайдиган материаллардан бажариш;
- ЛБМ узатиш насослари ва бошқа электр жиҳозлар портлашдан ҳимояланган бўлиши керак.
Бўяш цехларида учқун ҳосил қилувчи пўлат ускуна-жиҳозлардан фойдаланиш ман қилинади.
6. ЛБМни бўяш учун тайёрланаётган хона поли ёнмайдиган материаллардан бажарилиши керак.
7. Бўяш камераси, ускуна-жиҳозларни, конструкцияларни смена иш вақти тугагандан сўнг ўз вақтида ўтириб қолган ЛБМдан тозалаб туриш зарур.

41.