Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Сақлагичларнинг хиллари
1000 В гача кучланишга мўлжалланган электр мосламаларида ишлатиладиган эриш сақлагичлари, ўзининг тузилиш конструкциясига қараб уч хилга бўлинади:
1) Пластинкали сақлагичлар (очиқ сақлагичлар)
2) Пробкали сақлагичлар (ПД, ПДС, Ц27, Ц33)
3) Трубали (қувурли) сақлагичлар (ПР, ПН).

25. 
    Ҳаволи ўчиргичлар (автоматлар). Тузилиши, ишлаш принципи ва хиллари /2; 3; 5; 6; 7; 8; 11; 12; 14; 16/
    

Ҳаволи ўчиргичларнинг (автоматлар) таърифи, вазифаси, тузилиши ва ишлаш принципларини ҳақида тушунча бериш, уларнинг хилларини, русумларини, кўрсаткичларини кўрсатиш ва хар бирига алоҳида таъриф бериш. Автоматларнинг афзалликлари ва камчиликларини кўрсатиб ўтиш.
Автоматик ҳаволи ўчиргичлар (автоматлар) кучланиши 1000 В гача бўлган электр мосламаларида ишлатилади. Улар электр мосламаларида ортиқча юкланиш, қисқа туташув ҳодисалари содир бўлганда, кучланиш йўқолганда ёки белгиланган нормадан пасайганда ва шунга ўхшаш авария, носозликлар вақтида автоматик равишда электр тармоқдан ўчиришга мўлжалланган.
Автоматлар қуйидаги асосий қисмлардан иборат: корпус (қобиқ), кришка (қопқоқ), ёй ўчириш камера (бўшлиғидан), бошқарув механизмидан, осон ажратувчи (расцепление) қурилмасидан ва ажратувчидан.
Автомат қобиқлари пўлатдан, фарфордан ёки пластмассадан ясалади ва улар ичига автоматнинг ҳамма қисми жойлаштирилиб қопқоқ билан беркитилади.
Бошқарув қурилмаси ҳар доим бир хил тезликда туташувга контактларни бир зумда ажратади ёки туташтиради, тугмага ёки ричаг ҳаракати тезлигидан қатъий назар.
Автоматнинг автоматик ишлашини таъминловчи асосий қисмларидаги бири ажратгич ҳисобланади. Ажратгичларнинг хилларига қараб автоматлар фақат: электромагнит ажратгичли (М), иссиқлик ажратгичли (Т) ва қўшма ажратгичли (комбинированный) МТ хиллари тайёрланади.
Электромагнит ажратгич автоматлар кўпроқ электр мосламаларини қисқа туташув ҳодисаларидан ҳимоя қилиш учун хизмат қилади.
Иссиқлик ажратгичлари автоматлар электр мосламаларини ортиқча юкланишдан ҳимоя қилиш учун хизмат қилади. Иссиқлик ажратгичли автоматларни ишлагандан сўнг тезда қайта улаш мумкин эмас.
Қўшма (комбинированный) ажратгичли автоматлар эса электр мосламаларини ортиқча юкланишдан ва қисқа туташувдан автоматик ҳимоя қилади.