Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Янги қурилишлар назорат қилинишини ташкил этиш.

/12; 14; 20/
Янги қурилаётган биноларнинг ёнғин хавфи. Янги қурилаётган бинолар назоратини ташкил қилиш. Янги биноларни ёнғиндан сақлаш-техник текширувдан ўтказиш услубиёти. ЁХҚ 3-94 томонидан янги қурилаётган бинолар учун белгиланган ёнғин хавфсизлиги талаблари. Объектларнинг эксплуатацияга қабул қилиш тартиби.

1. 
   Давлат ёнғин хавфсизлиги назорати ходимлари хорижий инвестициялар ва (ёки) технологиялар жалб қилинган ҳолда объектларни лойиҳалаш ва қуриш устидан назорат қилиш ишларини Ўзбекистон Республикасида Давлат ёнғин назорати фаолиятини ташкиллаштириш қўлланмасига мувофиқ амалга оширадилар.
   
2. 
   Объектлар қурилиши учун ер майдонларни танлаш комиссиялари ишида иштирок этишда, янги объектларни қуриш лойиҳа-смета ҳужжатларини кўриб чиқишда қабул қилинган ёнғинга қарши чора-тадбирларга Ўзбекистон Республикаси ҳудудида амалда бўлган қурилиш меъёрлари ва қоидалари, давлат стандартлари ва бошқа ҳужжатлар бўйича талабларга қўйилади, уларнинг тўлиқлиги ва мувофиқлиги текширилади.
   
3. 
   Текширишлар натижалари бўйича амалдаги республика нормалари ва қоидаларида назарда тутилган тавсия этилган барча тадбирлар асосланган ҳолда ёнғин хавфсизлиги чораларни таъминлашга оид ёзма кўрсатма расмийлаштирилади. Ёнғинга қарши хизматнинг ташкил этилишига, объектлар ёнғинга қарши талаб этиладиган зарур асбоб-ускуналар билан тўлиқ жиҳозланганлигига алоҳида эътибор берилади.
   
4. 
   Объект қурилиш жараёнида ёнғиндан муҳофаза қилиш бўйича қабул қилинган лойиҳа ечимларининг бажарилиши сифати текширилади, бунда лойиҳага зарур ўзгартиришлар ва қўшимчалар киритиш мақсадида лойиҳа ташкилотлари билан яқин алоқада бўлади.
   
5. 
   Қурилиш жараёнида чет элда ишлаб чиқариладиган ёнғинга қарши асбоб-ускуналардан фойдаланилганда унинг талаб этиладиган тактик-техник асосларга мувофиқлигини Ўзбекистон Республикаси Ички ишлар вазирлиги Давлат ёнғин хавфсизлиги бошқармаси билан келишиб олиш зарур.
   
6. 
   Янги қурилишларни ёнғинга қарши техник текширишлар қурилиш суръатларини ҳисобга олиб бир йилда камида икки марта ўтказилади. Бунда Давлат ёнғин хавфсизлиги назоратининг ёзма кўрсатмалари албатта расмийлаштириб, улар буюртмачи вакилига ва бош пудратчи қурилиш ташкилоти раҳбарига тақдим этилади, улар ёнғинга қарши талаб этилаётган барча тадбирларни хорижий фирмалар вакиллари билан келишиб олишлари керак.
   

46.