Ii. Боб Фуқаро ва ишлаб чиқаришга мўлжалланган биноларнинг ёнғин хавфсизлиги

Хорижий инвестициялар ва (ёки) технологиялар жалб қилинган қурилиши тугалланган объектларни давлат комиссияси томонидан фойдаланишга қабул қилиб олиш.

/14; 33/
Ўзбекистон Республикаси ҳудудларида хорижий инвестициялар ва (ёки) технологиялар жалб қилинган қурилиши тугалланган объектларни қабул қилиш вақтидаги ёнғинга қарши тадбирларнинг бажарилиш назорати, улар нимадан иборат.
Хорижий инвестициялар ва (ёки) технологиялар жалб қилинган қурилиши тугалланган объектларни давлат комиссияси томонидан фойдаланишга қабул қилиб олиш давлат ёнғин хавфсизлиги назорати органлари томонидан қурилиш меъёрлари ва қоидаларига мувофиқ ҳамда қурилиш шартномалари шартлари асосида амалга оширилади.
Хорижий инвестициялар ва (ёки) технологиялар жалб қилинган қурилиш объектларини ишга туширишда давлат ёнғин хавфсизлиги назорати органларидан ишчи ва давлат қабул комиссияларига вакил этиб, Ўзбекистон Республикаси ИИВ ЁХБ қарорига кўра энг яхши тайёргарлик кўрган ходимлар тайинланадилар.
Давлат ишчи комиссиялари иши жараёнида давлат ёнғин хавфсизлиги назорати вакиллари томонидан Ўзбекистон Республикасида амалда бўлган қурилиш меъёрлари ва қоидаларида, қурилиш лойиҳасида назарда тутилган ёнғинга қарши тадбирларнинг бажарилиши текширилади, улар қуйидагилардан иборат:
А) ўт ўчирувчилар депоси қурилишининг якунланганлиги;
Б) ўт ўчириш, техник жиҳозлар ва тегишли асбоб ускуналари бўлган ўт ўчириш автомобилларнинг етарли миқдорда мавжудлиги;
В) идоралараро комиссия далолатномасини тузиш ва ўт ўчирувчилар штатларининг Ўзбекистон Республикаси ИИВ томонидан берилиши;
Г) барча қурилиш конструкциялари, хоналарнинг жойлаштирилиши ва безалишининг ёнғинга қарши меъёрларга мувофиқлиги;
Д) ўт ўчириш ва сигнализация тизимларининг автоматик режимда ҳаракатга келтирилиши;
Е) ўт ўчириш ва сигнализация тизимларининг ишлаб кетиши тўғрисидаги сигналларнинг вентиляция ва технология ускуналари билан боғланиши;
Ж) ташқи ва ички ўт ўчириш сув манбалари, ёнғинга қарши резервуарлар ва тармоқларнинг мувофиқлиги;
З) тутунни тарқатиш ва оловдан ҳимоя қилиш транзит вентиляция тизимлари ва бошқа тадбирлар бўйича ишларнинг тугалланганлиги.
Қурилиши тугалланган объектлар ёнғинга қарши бажармаган тадбирлар мавжуд бўлса, давлат ёнғин назорати вакиллари қабул қилиш далолатномасини имзоламайдилар, бажарилмаган тадбирлар рўйхати тузилади ҳамда буюртмачига ва бош пудратчи қурилиш ташкилотига топширилади.

46.