Ii bob. ”Eshitdim, ko‘rdim, bajardim” tamoyili asosida soya va makkajo‘xorini birgalikda yetishtirish texnologiyasi

Yorug’likka talabi. Makkajo‘xori yorug’sevar qisqa kun o‘simligi bo‘lib, kun uzunligi 12-14 soatga yetadigan sharoitda yaxshi o‘sadi. Kun bundan uzun bo‘lsa, yetilish fazasi cho‘zilib ketib, o‘simlik tupi juda kattalashib ketadi. Aksincha, qisqa kunda tez rivojlanadi va o‘suv davri qisqaradi.
Tuproqqa talabi. Makkajo‘xori boshqa ekinlar o‘sadigan deyarli hamma tuproqlarda o‘saveradi. Lekin unumdor, yumshoq suv o‘tkazuvchanlik qobiliyati yaxshi bo‘lgan tuproqlar uning uchun: eng yaxshi tuproq hisoblanadi. Makkajo‘xori bo‘z tuproqli yerlar­da yaxshi, o‘tloq va o‘tloq-botqoq tuproqli yerlarda yanada yaxshi boladi. Sug‘oriladigan yerlarda soya takroriy ekin sifatida ekiladigan paytda tuproqni haydashdan oldin gektariga 700-800 m³ me’yorda sug‘oriladi. Tuproq yetilishi bilan 25-27 sm chuqurlikda haydaladi, tekislanadi va ishlov beriladi.
O‘g‘itlash. Soya organik va onarganik o‘g‘itlarga talabchan. Go‘ng 1gektar maydonga 15-20 t solinganda soya hosili 5-6 s/ga oshgan va keyingi 3-4 yilda ham uning ijobiy ta’siri saqlanib qolgan. Solinadigan go‘ng chirigan bo‘lishi lozim
Azotli o‘g‘itlarni yuqori me’yorda solish tugunak bakteriyalar faoliyatini susaytiradi. Ko‘plab o‘tkazilgan tajribalarda nitragin, rizotorfin, rizobofitni qo‘llash O‘zbekistonning turli tuproq sharoitlarida takroriy ekilgan soyadan gektaridan 4-5 sentenetr qo‘shimcha don hosili olishni ta’minlagan [52].
Urug‘lar ekilishdan oldin bakterial o‘g‘itlar bilan ishlanishi lozim.
Ekish muddati. Soya takroriy ekilganda harorat yuqori bo‘lishi lozim. Yetarli namlik sharoitida maysalar bir tekis, qisqa davrda unib chiqadi. Takroriy ekin sifatida sabzavotlardan bo‘shagan maydonlarga 15 iyundan 15 iyulgacha ekiladi.
Sug‘orish Takroriy ekilgan soyani sug‘orish tuproq mexanik tarkibi, sizot suvlar sathiga bog‘liq holda o‘zgaradi. Sizot suvlar chuqur joylashgan bo‘z tuproqlarda sug‘orishni egatlab 4-5 marta o‘tkazish tavsiya qilinadi.
Urug‘ni ekishga tayyorlash Makkajo‘xori urug‘lari ekishdan oldin tozalanadi hamda dorilanadi. Makkajo‘xorining 1-sinf urug‘larining unuvchanligi 96%, ikkinchi sinfda esa 92% dan kam bo‘lmasligi lozim.