Ii. Amaliy mashgulotlar materiallari 1-amaliy mashg’ulot Yigirishda mahsulot namligini nazorat qilish Ishning maqsadi

Qayta tarashda sifat menejmenti

Jarayon va operatsiyalar		Bajariladigan ishlar nazorati
A	Ustki taroq	- sozlashlar-1-2-3-4-5-6-7 - ignalar zichligi va turi - ustki taroqning botish chuqurligi - tozalik va sharoitlar
B	Taroqli baraban	-sozlashlar-1-2-3-4-5-6-7-10-11 -taroqlar turi va zichligi (taroq yuzasidagi bo‘limlar soni) -shchetkalar
C	Sozlashlar	- ajratib oluvchi masofani sozlash-1-2-3-4-5-6-7 - ajratib oluchi roliklarni harakatini sozlash-1-2-3-4-5-6-7 - cho‘zishdagi sozlashlar -7-8-9 - tarash yo’nalishi - bo‘laklashga sozlash
D	Qayta tarash tarandisi	-pilta va taramdagi uzun va kalta tolalarning miqdori-2-3-10-11 - ustki va baraban taroqlaridagi taram balansi - taramni so‘rib olish va ajratish - taroqlar o‘rtasidagi taramlar o‘zgarishi
E	Tozlar	- toz tubidagi prujina yuklamasi - tozni to‘ldirish - tozlarni belgilash
F	Xolstcha	- xolstcha og‘irligi va zichligi - xolstcha tarangligi -xolstcha bilan ta’minlash masofasi-1-2-3-4-5-6-7 -xolstchani bo‘laklash
G Ishlab chiqarish samaradorligi		- ishlab chiqarish davri - tezlik va samaradorlik-1-2-3-4-5-6-7 - operatorlar soni - atrofdagi sharoit
H Ta’mirlash		- ta’mirlash rejasi - tozalash grafigi - baraban taroqlarini muntazam almashtirish - ajratib oluvchi va cho‘zuvchi roliklarni ta’mirlash grafigi

2.10-rasm. Qayta tarash mashinasining nazorat etish joylari

Sinov parametrlari	Sinov asboblari	Sinov davri Ⅰ^*	Sinov davriⅡ^*
1-taram miqdori	Tarozi	Har hafta	2 haftada bir
2-piltadagi tola uzunligi	USTER AFIS PRO 2	Har hafta	2 haftada bir
3-piltadagi kalta tolalar miqdori	USTER AFIS PRO 2	Har hafta	2 haftada bir
4-piltadagi nepslar	USTER AFIS PRO 2	Har hafta	2 haftada bir
5-piltadagi iflosliklar miqdori	USTER AFIS PRO 2	Har hafta	2 haftada bir
6-pilta nomeri	USTER AUTOSORTER 5	Har hafta	2 haftada bir
7-pilta tekisligi	USTER TESTER 5	Har hafta	2 haftada bir
8-pilta massasi diagrammasi	USTER TESTER 5	Har hafta	2 haftada bir
9-pilta spektrogrammasi	USTER TESTER 5	Har hafta	2 haftada bir
10-taramdagi tolalar uzunligi	USTER AFIS PRO 2	Har hafta	2 haftada bir
11-taramdagi kalta tolalar miqdori	USTER AFIS PRO 2	Har hafta	2 haftada bir

Sinovlar davriyligi ishlab chiqarish tezligiga, mashinalarning holatiga va talab qilinayotgan sifat darajasiga bog‘liq.

Mashinada ro‘y beradigan kamchiliklar.

Qayta tarash mashinasi yaxshi sozlanmasa va mexanizmlarning holati yaxshi bo‘lmasa, pilta sifatsiz chiqadi, taramda ko‘p nuqsonlar bo‘ladi.

Xira va dorli taram - taroqli baraban yoki ustki taroqlarning igna­lari egilgan, zanglagan yoki ignalarning orasiga momiq to‘lib qolgan bo‘lsa, shunday nuqson hosil bo‘ladi. Bu holda xolstchadan kerakli miqdorda kalta tolalar ajralmagan bo‘ladi. Agar xolstchaning bir joyi yo‘g‘on, bir joyi ingichka bo‘lsa, qisqichlar yaxshi ochilmasa ham shunday nuqson paydo bo‘ladi.

Taramda jingalaklashgan tolalar uchraydi - ajratuvchi mexanizm aylanish yo‘nalishini tez o‘zgartirib, ajralgan porsiya tolalar tutamini (darhol olib ketmasa va ustki orqa valik ishlamasa, shunday nuqson kelib chiqadi.

Taramda yo‘l-yo‘llik va tugunchalar hosil bo‘ladi - ustki taroq ignalarining uchlari sinib, uvalanib ketgan bo‘lsa, yo‘l-yo‘llik kelib chiqadi. Taroqli segment ignalarining holati yomon bo‘lsa, ularning oralariga tolalar tiqilib qolsa, tugunchalar paydo bo‘ladi.

Taramning ifloslanishi va unda tugunchalarning ko‘pligi - kelayotgan xolstcha iflos, tarash mashinasidan olingan pilta sifatsiz, taroqli ba­raban taroqlari yaxshi terilmagan, ignalar singan, baraban taroqlari ig­nalari bilan qisqichlar o‘rtasidagi razvodka noto‘g‘ri, ustki taroq noto‘g‘ri o‘rnatilgan bo‘lsa, mana shunday nuqsonlar hosil bo‘ladi.

Ajralgan porsiya tolalarining noto‘g‘ri ulanishi - bu nuqson ajratuvchi mexanizmning noto‘g‘ri ishlashidan kelib chiqadi.

Yupqa taram - kelayotgan xolstcha asli 16-28 ta piltadan olinadi. Bordiyu mana shu piltalardan birontasi uzilgan bo‘lsa, u vaqtda qo‘shilish soni bitta yoki ikkita piltaga kamayadi, natijada xolstcha yupqa bo‘lib qoladi. Agar mana shu hol ro‘y bersa, yuqoridagi nuqson kelib chiqadi. Bun­dan tashqari, agar ko‘p tolalar tarandiga ajralib ketsa ham shu nuqson ro‘y berishi mumkin.

Taramning chetlari yirtilgan - buning sababi silindr yoki valiklarga yupqa tolalar qatlami yopishib, o‘ralib qolishi, ta’minlovchi va ajratuvchi silindrlardan chiqayotgan porsiya taramning eni katta bo‘lib ketishi.

Pilta zichlagichga tiqilib qoladi — pilta ancha yo‘g‘on bo‘lsa, tarandi kam chiqsa, ustki taroq yomon ishlasa, ushbu nuqson hosil bo‘ladi.

Piltaning uzunligi bo‘yicha notekislik paydo bo‘ladi - buning sababi: silindr va valiklar qiyshiq, yomon aylanadi, razvodka noto‘g‘ri o‘rnatilgan, yuklash xam shunday, ulanish noto‘g‘ri va h.k.

Piltaning uzilib qolishi - hamma piltalar pilta supachasida yonma-yon surilib ketayotgan paytda moyli joy bo‘lsa yoki piltalar ko‘p tortilsa, uzilishlar hosil bo‘ladi.

Pilta taxlash mexanizmida pilta osilib qoladi - yassilovchi valiklar bilan pilta taxlovchi mexanizm valiklarining tezligi noto‘g‘ri, zichlagich diametri piltaning yo‘g‘onligiga mos tanlanmagan, voronka moyli yoki if­los bo‘lishidan ham kelib chiqadi va h.k.

Bunday nuqsonlar paydo bo‘lmasligi uchun qayta tarash mashinasining holati doimo yaxshi, to‘g‘ri sozlangan bo‘lishi kerak.

Qayta tarash sexida texnikaviy nazorat

Piltaning chiziqiy zichligi va notekisligini tekshirish. Pil­taning chiziqiy zichligi har smenada, notekisligi bir oyda ikki marta tekshiriladi. Buning uchun uzunligi besh metrdan qilib 12 qirqim pilta oli­nadi, uning massasi aniqlanadi, piltaning notekisligini aniqlash uchun ikkita tazdan uzunligi 1 m li 200 qirqim pilta olib, uning mas­sasi aniqlanadi.

Yuqori sifatli ip olish uchun qayta tarash mashinasidan olinadigan piltaga notekislik me’yori belgilangan. 1 m piltaning massasi bo‘yicha notekislik 2,0-3,5%.

Taramning sifatini tekshirish. Taramning sifatini tekshirish uchun 20x30 sm o‘lchamli oyna olib, uning ustiga mashinaning alohida chiqa­ruvchi qismidan chiqayotgan yupqa tolalar qatlami-taram yoyiladi, uning yuzasiga to‘g‘ri kelgan nuqsonlar miqdori sanab ko‘riladi, so‘ngra bu nuqsonlar miqdorini 1 g taramga keltirib hisoblanadi. Chiqqan natija me’yorga solishtirib ko‘riladi.