Ict glossary Final Book 2004 10 26. doc

skrembler ingl.: scrambler rus.: скремблер

Umum foydalanishdagi telefon tarmog‘i orqali uzatilayotgan nutq signali va faks xabarlarini shifrlash uchun foydalaniladigan kodlovchi qurilma.

slot ingl.: slot rus.: слот

Chop etilgan zanjir platasini joylash mumkin bo‘lgan kompyuterdagi ochiq joy. Slotlar odatda kengaytma slotlari deyiladi, chunki ular kompyuter imkoniyatlarini kengaytiradi. Kengaytma slotlariga solinadigan platalar kengaytma platalari yoki qo‘shimcha platalar deyiladi.

SMP

qisq.: Symmetrical Multiprocessing

Simmetrik ko‘pprotsessorli ishlov berish, SMP arxitekturasi. Protsessorlar apparaturadan teng huquqli foydalanish imkoniga ega bo‘lgan ko‘pprotsessorli tizim arxitekturasi. SMP

tizimlari OT kodi va ajratiladigan xotirada joylashgan boshqa DTning yagona nusxasini bajaradi.

soha

ingl.: sector rus.: сектор

Diskda o‘qilishi mumkin bo‘lgan eng kichik birlik. Disk past pog‘onada formatlanganda u yo‘lak va sohalarga ajratiladi. Yo‘laklar disk atrofidagi doiralar, sohalar esa har bir doira ichidagi bo‘laklardir. Masalan, formatlangan disk har biri 10 sohaga ajratilgan 40 yo‘lakdan iborat bo‘lishi mumkin. Operatsion tizim va diskyuritma yo‘lak va soha sonini qayd etish orqali diskdagi axborot qayerda saqlanganini aniqlaydi.

Zamonaviy diskyuritmalar zonalar-bitli yozish deb nomlangan usuldan foydalanadi.

Diskdagi jismoniy kamchilik tufayli ishlatila olmaydigan soha yomon soha deyiladi.