Ички секреция безлари физиологияси

Гармонларнинг нишон-ҳужайралар билан ҳамкор механизми. Гормонларнинг таъсири нишон – аъзолар ҳужайраларидаги баъзи энзимларнинг каталитик фаоллигини кучайтириш ёки сустлаштириш билан руёбга чиқади. Гормонлар ҳужайраларда энзимлар синтезини тезлаштириб, уларда энзимлар миқдорини ошириш йўли билан таъсир қилади. Умуман гормонлар учта муҳим вазифани бажаради: 1) организмнинг жисмоний, жинсий ва рухий ривожла-ниши ва кўпайишини таъминлайди; 2) организм ва унинг фаолий тузилмаларини доимий ўзгариб турувчи шароитларга мослашишини таъминлайди: 3) баъзи физиологик кўрсат-гичларнинг (қонда глюкоза, кальций, фосфор ва бошқа моддалар миқдорининг) барқарорлигини сақлайди (гомеос-татик фаолият).
Гипофиз. Бу мураккаб ички секреция бези бўлиб ол-динги, оралиқ ва орқа бўлаклардан тузилган (19 расм).

Расм 19. Гипаталамо-гипофизар тизим.

1-аденогипофиз, 2-юқори гипофиз артерияси, 3-хиазма, 4-супраоптик ядро, 5-паравентрикуляр ядро, 6-МАТ эфферентлари, 7-гипофизотроп қисм, 8-мамилляр тана, 9-гипофиз оёқчаси (воронка), 10-артерия, 11-нейрогипофиз; РГ-рилизинг-гормон. АДГ – антидиуретик гормон.

Олдинги бўлаги (аденогипофиз) хромофоб (55–60%) ва хромофил (40-45%) ҳужайралардан тузилган. Хромофил ҳужайраларнинг кўпчилиги ацидофил, қолгани базофил бўлади (3 жадвал). Гормонлар хромофилларда синтезланади. Базофил ҳужайралар адренокартикотроп, тиреотропин, гонадотроп (фолликулни стимулловчи ва лютеинловчи), ацидофиллар ўсиш гормони (соматотропин) ва пролактин ишлаб чиқаради. Гипофизнинг гландатроп гормонлари фолликулнинг ривожланиши ва етилишини, овуляцияни

3-жадвал. Аденогипофиз гормонлари

Гормон ва уни ажратадиган гипофиз бўлаги	Кимёвий тузи-лиши	Таъсири ўтадиган тузилма	Самараси
Олдинги бўлак
1. Адренокор- тикотроп гормон