Ichki ishlar organlari to’g’risidagi Qonun 33-modda. Ichki ishlar organi xodimining boshqa organlar va tashkilotlarga saylanishidagi (tayinlanishidagi, yuborilishidagi) kafolatlar

11-kazus
Ichki ishlar organi xodimi Z.To‘raqulov O‘zbekiston Respublikasi Oliy Majlisining Qonunchilik palatasi deputatligiga 5 yil muddatga umumiy, teng va to‘g‘ridan-to‘g‘ri saylov huquqi asosida yashirin ovoz berish yo‘li bilan saylandi. Navbatdagi saylovlarda u yetarli ovoz to‘play olmadi va deputatlikka saylanmadi. Ichki ishlar organi xodimi Z.To‘raqulov ish bilan ta’minlashni so‘rab Toshkent shahridagi bandlikka ko‘maklashish markaziga va o‘zining avvalgi ish joyiga murojaat qilganda unga mazkur ish (lavozim)da boshqa xodim faoliyat yuritayotganligini aytib ish berishni rad etishdi. Bundan norozi bo‘lgan Z.To‘raqulov “Aholini ish bilan ta’minlash to‘g‘risida”gi Qonunning 9-moddasining talabiga ko‘ra, ya’ni davlat organlaridagi yoki xodimlarning vakillik organlaridagi saylab qo‘yiladigan lavozimlarga saylanganligi tufayli ishdan ozod qilingan xodimlarga saylab qo‘yiladigan lavozimdagi vakolatlari tugagandan keyin avvalgi ishi (lavozimi) berilishi, bunday ish (lavozim) mavjud bo‘lmasa, avvalgisiga teng ish (lavozim) berilishi lozimligidan kelib chiqib uni ish bilan ta’minlash majburiy ekanligini ta’kidlab o‘tdi. Bandlikka ko‘maklashish markazi xodimi esa Z.To‘raqulovning hozirgi holati Ichki ishlar organi xodimi bo‘lishga noloyiq ekanligi, ya’ni siyosiy partiyaga mansubligi va deputatlik faoliyati davrida sog‘lig‘i yomonlashganini ta’kidlab o‘tdi.
Vaziyatga huquqiy baho bering.
Ichki ishlar organlari to’g’risidagi Qonun 33-modda. Ichki ishlar organi xodimining boshqa organlar va tashkilotlarga saylanishidagi (tayinlanishidagi, yuborilishidagi) kafolatlar
Oldingi tahrirga qarang.
O‘zbekiston Respublikasi Prezidentining farmoniga, qaroriga, farmoyishiga, shuningdek roziligiga yoxud O‘zbekiston Respublikasi Vazirlar Mahkamasining qaroriga asosan boshqa davlat organlariga yoki ularning tasarrufidagi tashkilotlarga tayinlangan, xuddi shuningdek O‘zbekiston Respublikasi ichki ishlar vazirining buyrug‘i bilan boshqa davlat organlarining ta’lim muassasalariga o‘qishga yuborilgan ichki ishlar organi xodimi majburiyatlarni bajarish (o‘qish) davrida O‘zbekiston Respublikasi Ichki ishlar vazirligi kadrlarining amaldagi zaxirasiga kiritib qo‘yilishi mumkin.
(33-moddaning birinchi qismi O‘zbekiston Respublikasining 2019-yil 4-sentabrdagi O‘RQ-563-sonli Qonuni tahririda — Qonun hujjatlari ma’lumotlari milliy bazasi, 05.09.2019-y., 03/19/563/3685-son)
Majburiyatlarni bajarish (o‘qish) tugatilganidan keyin ichki ishlar organi xodimiga ilgarigi ishi (lavozimi), ushbu ish (lavozim) yo‘qligida esa unga teng boshqa ish (lavozim) beriladi.
Ushbu moddaning birinchi qismida sanab o‘tilgan ichki ishlar organlari xodimlariga maxsus unvonlar oxirgi egallagan lavozimidan qat’i nazar, belgilangan tartibda beriladi.
Majburiyatlarni bajarish (o‘qish) davri ichki ishlar organi xodimiga navbatdagi maxsus unvonni olish huquqini beradigan xizmat qilgan yillariga ustama to‘lash, pul ta’minoti (lavozim maoshi va maxsus unvon bo‘yicha maoshi summasidan iborat bo‘lgan) maoshini belgilash va pensiya tayinlash uchun ichki ishlar organlaridagi xizmat stajiga qo‘shib hisoblanadi.
Ushbu moddaning birinchi qismida ko‘rsatilgan xodimlar xizmatdan bo‘shatilganda, shuningdek ularning oila a’zolari ichki ishlar organlaridan bo‘shatilgan xodimlar bilan teng huquqlar, imtiyozlar va afzalliklardan foydalanadi.
Bunga ko’ra ichki ishlar organlari xodimlarining ish joyi qanday hollarda saqlanib qolishi ko’rsatilgan. O’zb Resp. Oliy Majlisiga saylovlar to’g’risidagi qonunga o’zgartirish va qo’shimchalar kiritish haqidagi qonunga ko’ra siyosiy partiyalar nomzodlar ko’rsatish huquqiga ega. Siyosiy partiyalar partiyalarga a`zo bo’lganlargina nomzod qilib ko’rsatishi mumkin(22-modda). 25-moddada deputatlikka nomzodlarga qo’yiladigan talablar mavjud. Quyidagilar:
Oldingi tahrirga qarang.
sodir etgan og‘ir yoki o‘ta og‘ir jinoyati uchun sudlanganlik holati tugallanmagan yoxud sudlanganligi olib tashlanmagan fuqarolar;
(25-moddaning ikkinchi xatboshi O‘zbekiston Respublikasining 2008-yil 25-dekabrdagi O‘RQ-194-sonli Qonuni tahririda — O‘R QHT, 2008-y., 52-son, 510-modda)
saylov kuniga qadar so‘nggi besh yil mobaynida O‘zbekiston Respublikasi hududida muqim yashamagan fuqarolar;
O‘zbekiston Respublikasi Qurolli Kuchlarining harbiy xizmatchilari, Davlat xavfsizlik xizmati, boshqa harbiylashtirilgan bo‘linmalarning xodimlari;
(25-moddaning to‘rtinchi xatboshisi O‘zbekiston Respublikasining 2019-yil 18-fevraldagi O‘RQ-522-sonli Qonuni tahririda — O‘zbekiston Respublikasi Oliy Majlisi palatalarining Axborotnomasi, 2019-y., 2-son, 47-modda)
diniy tashkilotlar va birlashmalarning professional xizmatchilari deputatlikka nomzod etib ro‘yxatga olinmaydilar.
Bundan tashqari, siyosiy partiyalar to’g’risidagi qonunning 4-moddasiga asosan, ichki ishlar organlari xodimlari partiya a`zosi bo’la olmaydi, ushbu asoslarga ko’ra, Z.To’raqulov deputat bo’lishi mumkin emas. O‘zbekiston Respublikasi Prezidentining farmoniga, qaroriga, farmoyishiga, shuningdek roziligiga yoxud O‘zbekiston Respublikasi Vazirlar Mahkamasining qaroriga asosan boshqa davlat organlariga yoki ularning tasarrufidagi tashkilotlarga tayinlangan, xuddi shuningdek O‘zbekiston Respublikasi ichki ishlar vazirining buyrug‘i bilan boshqa davlat organlarining ta’lim muassasalariga o‘qishga yuborilgan ichki ishlar organi xodimi majburiyatlarni bajarish (o‘qish) davrida O‘zbekiston Respublikasi Ichki ishlar vazirligi kadrlarining amaldagi zaxirasiga kiritib qo‘yilishi mumkin. Deputat bo’lish bu qoidada yo’qligi uchun deputatlikdan so’ng ishga tiklab berish majburiyati yo’q.